ഈ താളിൽ തെറ്റുതിരുത്തൽ വായന ഉണ്ടായിട്ടില്ല
൯൮ ക്ഷത്രപ്രഭാവം
ലക്ഷ്മി _ അർദ്ധരാത്രി കഴിഞ്ഞു. അവിടന്നിതുവരെ കണ്ണ
ടച്ചിട്ടില്ലല്ലൊ.
പ്രതാപ_എനിക്കുറക്കം വരുന്നില്ല . ലക്ഷ്മി _ ആധികൊണ്ടാണു് അങ്ങക്കുറക്കം വരാത്തതു്.
ഒന്നും ആലോചിക്കേണ്ടാ. യുദ്ധം ക്ഷത്രിയധർമ്മമാണു്.
ജയാപജയം ദൈവാനുകൂല്യംപോലെ ഇരിക്കും. വരേ
ണ്ടതു വരും. ജീവിതവും മരണവും ക്ഷത്രിയന്മാർക്കു നേ
രമ്പോക്കല്ലേ . പിന്നെ എന്തിനാണു മനസ്താപപ്പെടു
ന്നതു്?
പ്രതാപ _ നാളെ കാലത്തുതന്നെ മുഗളന്മാരുടെ പാള
യത്തെ ആക്രമിക്കുന്നതിനു ഞാൻ കല്പന കൊടുത്തി
ട്ടുണ്ടു്. അതാലോചിച്ചിട്ടെനിക്കു തലക്കാച്ചിൽ പിടി
ച്ചിരിക്കുന്നു . ശരീരത്തിലുള്ള രക്തം മുഴുവനും തലയിൽ
കയറിയിരിക്കുന്നു . എനിക്കു തീരെ ഉറക്കം വരുന്നില്ല.
ലക്ഷ്മി _ അവിടന്നു ചിന്തയെല്ലാം ദൂരെക്കളയു . നാളെ
യുദ്ധമാരംഭിക്കുന്നതുകൊണ്ടു അവിടത്തേക്ക് അനേക
സംഗതികളാലോചിക്കേണ്ടതായും പലപ്രകാരത്തിലു
ള്ള കഷ്ടതകളനുഭവിക്കേണ്ടതായും വന്നേക്കാം. ഇ
പ്പോൾ അല്പം ഉറങ്ങുന്നപക്ഷം നാളെ ശരീരത്തിനു്
ഓജസ്സും തേജസ്സും വർദ്ധിക്കും.
പ്രതാപ _ ഉറങ്ങിയാൽ കൊള്ളാമെന്നു് എനിക്കാഗ്രഹ
മുണ്ടു്, പക്ഷെ ഉറക്കം വരുന്നില്ലല്ലോ . എന്റെ നയ
നങ്ങളെ നിദ്രകൊണ്ടു നിമീലിതങ്ങളാക്കുന്നതിനു് ആ
ർക്കാണു സാമർത്യമുള്ളതു് ? ലക്ഷ്മി_വരൂ, അങ്ങയെ ഉറക്കുന്നതിനു കൌശലമുണ്ടോ
എന്നു ഞാനൊന്നു പരീക്ഷിച്ചുനോക്കട്ടെ.
(ഇരുവരും കൂടാരത്തിനകത്തേക്കു പോകുന്നു.)
ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി സ്കൂൾ ഐടി ക്ലബ്ബിലെ വിദ്യാർഥികൾ നിർമ്മിച്ചതാണ്.
