താൾ:Koudilyande Arthasasthram 1935.pdf/512

൫൦൧

൧൧൧-൦,൧൧൧-൦ പ്രകരണങ്ങൾ

ആറാം അധ്യായം

<poem>

അരിപക്ഷീയനായോരു

ഗതാഗതനെയൂഴിപൻ

ചാവോളം ദൂരവേ നിർത്തി-

ക്കർമ്മംചെയ്യിച്ചു പോററണം;

പരങ്കൽ വിക്രമിപ്പിപ്പൂ,

സൈന്യകർമ്മത്തിൽ നിർത്തിടൂ,

അമിത്രാടവികന്മാരിൽ

പ്രത്യന്തത്തിങ്കലോ വിടൂ;

പണ്യംചെയ്യിച്ചിടൂ ശത്രു-

രാജ്യത്തവിടെ ഗൂഡമായ്

പരനായ് സന്ധിചെയ്തെന്ന

ദോഷം ഘോഷിച്ചു കൊന്നിടൂ ;

അഥവാ കൊന്നിടൂ ഗൂഡം

ഭാവിയിൽക്കുശലം വരാൻ

വധം ഭാവിയിലിച്ഛിപ്പോ-

നെന്നുകണ്ടാൽ വധിച്ചിടൂ.

അരിയിങ്കന്നാഗമിച്ചോൻ

സദോഷൻ ശത്രുസംശ്രയാൽ

സർപ്പസംവാസസാധർമ്മ്യം-

കൊണ്ടു നിത്യഭയാവഹൻ.

അത്തിക്കായ് തിന്നിടും പ്രാവു

പൂളവൃക്ഷത്തിനെന്നപോൽ

നിത്യോദ്വേഗം ജനിപ്പിക്കു-

മവൻ വീണ്ടും ഭയാവഹൻ.

പ്രകാശയുദ്ധമാം ദേശ-

കാലം ചൊല്ലിത്തുടർന്ന പോർ;

ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി സ്കൂൾ ഐടി ക്ലബ്ബിലെ വിദ്യാർഥികൾ നിർമ്മിച്ചതാണ്.