താൾ:Koudilyande Arthasasthram 1935.pdf/501

൪൯൦

ഷാഡ്ഗുണ്യം

ഏഴാമധികരണം

ദേയങ്ങൾ ദാനംചെയ്യായ്കാ-

യദേയങ്ങൾ ഹരിക്കുക,

ദണ്ഡ്യരെദ്ദണ്ഡിച്ചിടായ്ക,

ദണ്ഡിച്ചീടുകദണ്ഡ്യരെ,

അഗ്രാഹ്യരെപ്പിടിപ്പിക്ക,

ഗ്രാഹ്യരേയൊഴിവാക്കുക,

അനർത്ഥ്യകാര്യങ്ങൾ ചെയ്കാ-

യർത്ഥ്യങ്ങളെ ഹനിക്കുക,

ചോരരക്ഷ നടത്തായ്ക,

സ്വയം ചെയ്യുക ചോരണം,

പൌരുഷത്തെപ്പതിപ്പിക്ക,-

യുരയ്ക്ക ഗുണദൂഷണം,

പ്രധാനരെ പ്രപീഡിക്ക,-

യപമാനിക്ക മാന്യരെ,

വൃദ്ധൻമാരെ വിരോധിക്ക,

ചെയ്കയും വിഷമാനൃതം,

കൃതം പ്രതികരിക്കായ്ക,

സ്ഥിതം ചെയ്യാതിരിക്കുക,

പ്രമാദാലസ്യങ്ങൾ മൂലം

യോഗക്ഷേമം കെടുത്തുക-

ഇച്ചൊന്ന രാജദോഷങ്ങൾ

മൂലം പ്രകൃതികൾക്കുടൻ

ക്ഷയലോഭവിരാഗങ്ങൾ

ഭവിച്ചീടുമസംശയം-

ക്ഷയം വന്നാൽ വരും ലോഭം,

ലോഭം വന്നാൽ വിരാഗവും,

വിരക്തരായാൽ ഹിംസിക്കും

സ്വയമോ രിപുമാർഗ്ഗമോ.

ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി സ്കൂൾ ഐടി ക്ലബ്ബിലെ വിദ്യാർഥികൾ നിർമ്മിച്ചതാണ്.