ഈ താളിന്റെ സാധുത തെളിയിക്കപ്പെട്ടതാണ്
"ആരെടാ ? നീയൊരു സൂതനല്ലേ ? നിന-
ക്കീരാജഗോഷ്ഠിയിലെന്തുകാര്യം ?
ഇജ്ജന്യമണ്ഡപം പേക്കൂത്തുപന്തല-
ല്ലിച്ചെറുഞാണൊലി പാഴ്പാട്ടല്ല; 480
തോൽവാറും ചട്ടയുമേന്തേണ്ട കൈകളാൽ
പോർവില്ലും കൂരമ്പും ഭേസിബ്‌ഭേസി
ഏതുവരയ്ക്കും ചെന്നെത്തീടുമിച്ചെക്കൻ ?
ചോതിപ്പാനാരുമില്ലെന്നായ് കാലം !
ഭാരത സാമ്രാജ്യസാർവഭൗമാത്മജൻ
വീരനാമർജ്ജുനൻ, കർണ്ണ ! നീയോ
വാരുറ്റ തൽകീർത്തി വാഴ്ത്തേണ്ടവൻ മാത്രം:
മാറിനി "ല്ലെന്തിനീ വ്യർത്ഥാടോപം ?"
ആരതെന്നങ്ങോട്ടു നോക്കിനേൻ, ആ വാദി
ശാരദ്വതാചാര്യൻ ! ശാന്തം പാപം ! 490
കാർമ്മുകസംഗീതശാസ്ത്രത്തിൽ ഞാൻ "സാരീ-
ഗാമാ" പഠിച്ചതങ്ങാരിൽനിന്നോ;
ആ നമ്യൻ വർഷീയാനായിപ്പോയ് മദ്ദണ്ഡ്യൻ,
ഹാ ! നിഷ് പ്രതീകാരം തൽപ്രലാപം !
ഇത്തരമോർത്തു ഞാൻ ലജ്ജിച്ചും ദുഃഖിച്ചും
കർത്തവ്യമെന്തെന്നു കണ്ടീടാതെ
