ഈ താളിന്റെ സാധുത തെളിയിക്കപ്പെട്ടതാണ്
ഹന്ത ! പരദ്രുവിൻ ദോഹദമക്കാഷ്ഠം-
ഇന്ധനം ഇങ്ഗാലം-ഭസ്മം-മേലിൽ.
ഇദ്ദാനസിന്ധുവിൽ നീ വീണു ചാകുകി-
ലത്യാഹിതമതിന്മീതെയുണ്ടോ ?
നീവി വിറ്റുണ്ണുന്ന നിര്യാണവാണിജ്യം
നീ വിരഞ്ഞീടൊല്ലേ നീതിമാനേ !"
XVII
ഇത്തരമൊക്കെയുമോതിത്തൻ ജിഹ്വാഗ്ര-
നർത്തനതാന്തയാം ഭാരതിയെ 410
വിശ്രാന്തയാക്കിനാൻ വിസ്മയസ്തബ്ധനാ
വിശ്വൈകമങ്ഗലവിദ്യുദ്ദീപം,
സമ്പ്രതി തന്മനം സഞ്ചയിച്ചീടിനോ-
രമ്പുകൾ തീർന്നതാമാവനാഴി
എങ്കിലും പിന്നെയും മിന്നിനാൻ വാഗ്മിയായ്
തൻക്ലിഷ്ടമൗനത്താൽ സപ്തസപ്തി
ശങ്കപൂണ്ടന്യയാം നർത്തകിയാക്കിനാൻ
കൺകടപ്പങ്കജമങ്കയാളെ,
അപ്പനെ മേല്ക്കുമേൽ നോക്കിനാൻ സാകൂതം
സപ്രേമം, സസ്മിതം, സപ്രത്യാശം. 420
