ഹാരാജ്ഞിയാണ്. ഭർത്താവിൻറെ സോദരൻറെ ഭാര്യയുമാണ്. അങ്ങിനെയായിരുന്നില്ലെങ്കിൽ- ഇവിടുന്നെൻറെ അമ്മയുമാണ്.
റാണി-ആഹാ! ഇങ്ങിനെയാ? എന്നാൽ തന്നോടു സംസാരിപ്പാൻ കഴിയുന്ന ആളുകളെ ഞാനയക്കാം.
ഹാം- വരൂ! വരൂ! ഇരിക്കു! ഇവിടുന്നിളകരുത്. ഇവിടുത്തെ ഹൃദയത്തിൻറെ ഹൃദയം കാണാവുന്നതായ ഒരു കണ്ണാടി ഞാൻ കാണിച്ചു തരുന്നതിന്നു മുന്പായി ഇവിടുന്നു പോയവരുത്
റാണി- താനെന്താ ചെയ്യുക? താനെന്നെക്കൊല്ലുമോ അയ്യോ സഹായിക്കണെ! സഹായിക്കണെ!
പൊ-(പിന്നിൽനിന്ന) എന്താ? ഹൊ!! സഹായം! സഹായം! സഹായം!
ഹാം- എന്താ അത് ഒരെലിയോ? ഹോ! ചത്തു ചത്തു.
(വാൾ തിരയ്ക്കുള്ളിൽകൂടി കത്തിക്കടത്തുന്നു)
പൊ-(പിന്നിൽനിന്ന്) അയ്യോ! എന്നെ കൊന്നുവെ!
(വീണു ചാവുന്നു).
റാണി - അയ്യൊ കഷ്ടമേ! എന്തെ താൻ ചെയ്തത്?
ഹാം- ഒന്നുമില്ല. എനിക്കു നിശ്ചയമില്ല. അതു രാജാവ്?
റാണി - എന്ത്? എന്തു സാഹസമായ ദുഷ്ടപ്രവൃത്തിയാണിത്?
ഹാം- ഒരു ദുഷ്ടപ്രവൃത്തി. നല്ലമ്മെ! ഒരു രാജാവിനെ കൊന്ന അദ്ദേഹത്തിൻറെ സോദരനെ വിവാഹം ചെയ്യുന്നതിനോളം ഏകദേശം ചീത്തയാണ്.
റാണി- രാജാവിനെ കൊല്ലുകയോ?
ഹാം- അതെ അമ്മെ! അങ്ങിനെയാണ് പറഞ്ഞത്.
(തിരപൊക്കി പൊളോണിയസ്സിനെ കാണുന്നു)
ദുഷ്ടനായി, സാഹസിയായി, അനാവശ്യകാര്യങ്ങളിൽ ചാടി വീഴുന്ന മുട്ടാളനായ തനിക്കു നല്ലതു വരട്ടെ. ഞാൻ തന്നെത്തന്നിലും വലുതായ ഒരാളാണെന്നു മാറി ധരിച്ചുപോയി. തൻറെ വിധിയെ എടുത്തുകൊള്ളൂ. താൻ എന്തൊരപകടത്തിൽ അതികേമമായി കൊണ്ടുപിടിച്ചിരുന്നു.
 ഇതിലെ ഉള്ളടക്കത്തിന്റെ സ്കോർ ലഭിക്കുന്നതു് ഈ താൾ ആദ്യം ടൈപ്പു ചെയ്തുതുടങ്ങിയ Nisha santhosh എന്ന ഉപയോക്താവിനായിരിക്കും. | |||||
| ഈ താളിന്റെ ഗുണനിലവാരം: (വിശദവിവരങ്ങൾക്കു് ഈ ലേഖനം കാണുക) | |||||
| സങ്കീർണ്ണത | തനിമലയാളം | അക്ഷരങ്ങളുടെ എണ്ണം | ടൈപ്പിങ്ങ് പുരോഗതി | ഫോർമാറ്റിങ്ങ് മികവ് | അക്ഷരശുദ്ധി |
| (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) |
