താൾ:GkVI22e.pdf/71

വിക്കിഗ്രന്ഥശാല സംരംഭത്തിൽ നിന്ന്
ഈ താളിൽ തെറ്റുതിരുത്തൽ വായന നടന്നിരിക്കുന്നു

വിവിധപ്രാൎത്ഥനകൾ. 59

ഉപദേഷ്ടാവു.

സൎവ്വശക്തിയുള്ള ദൈവമേ, ഈ സമയത്തു ഞങ്ങൾ ഏക
മനസ്സോടേ നിന്നോടു അപേക്ഷിപ്പാൻ നീ കൃപ തന്നിരിക്കുന്നു.
രണ്ടു മൂന്നു പേർ നിന്റെ നാമത്തിലേയ്യ്ക്കു ഒരുമിച്ചു കൂടുന്ന ഏതു
സ്ഥലത്തും യാചിച്ച പ്രകാരം തരുവാൻ വാഗ്ദത്തം ചെയ്തിരി
ക്കുന്നുവല്ലൊ. ഇന്നും കൎത്താവേ, അടിയങ്ങളുടെ ആഗ്രഹങ്ങ
ളെയും അപേക്ഷകളെയും ഞങ്ങൾക്കു നന്നാകുംവണ്ണം നിവൃത്തി
വരുത്തി ഇഹലോകത്തിൽ നിന്റെ സത്യജ്ഞാനവും പരലോ
കത്തിൽ നിത്യജീവനും തരേണമേ. ആമെൻ.

നമ്മുടെ കൎത്താവായ യേശു ക്രിസ്തുവിന്റെ കരുണയും ദൈ
വത്തിൻ സ്നേഹവും പരിശുദ്ധാത്മാവിൻ കൂട്ടായ്മയും നാം എ
ല്ലാവരോടും കൂടെ ഇരിപ്പൂതാക. ആമെൻ. W.Ub.

അല്ലെങ്കിൽ.

ദൈവമേ, ഹൃദയത്തിന്റെ ആഴത്തിൽനിന്നു ഞങ്ങൾ നിന്നെ
വിളിക്കുന്നു. കൎത്താവേ ഞങ്ങളുടെ ഒച്ച കേട്ടുകൊള്ളേണമേ.
ഞങ്ങൾ കെഞ്ചുന്ന ശബ്ദത്തിന്നു നിന്റെ ചെവികൾ ശ്രദ്ധി
ച്ചിരിക്ക. നീ അകൃത്യങ്ങളെ കുറിക്കൊണ്ടാൽ കൎത്താവേ ആർ
നില്പു. അടിയങ്ങളെ ന്യായവിധിയിൽ പ്രവേശിപ്പിക്കരുതേ.
ഞങ്ങളുടെ നീതികളെ വിചാരിച്ചല്ലല്ലൊ ഞങ്ങളുടേയും സൎവ്വ
ലോകത്തിന്റെയും പാപത്തിന്നു പ്രായശ്ചിത്തമാകുന്ന യേശു
ക്രിസ്തുവിലുള്ള നിന്റെ കരക്കനിവുകളെ വിചാരിച്ചത്രെ
നിന്റെ മുമ്പിൽ ഞങ്ങൾ യാചനകളെ സമൎപ്പിക്കുന്നതു. തിരു
മുഖത്തുനിന്നു ഞങ്ങളെ കളകയും നിന്റെ വിശുദ്ധാത്മാവെ
ഞങ്ങളിൽനിന്നു എടുക്കയും അരുതേ. നിന്റെ കരുണെക്കായി
ഞങ്ങളുടെ ദേഹി ദാഹിക്കയും നിന്റെ സഹായം വാങ്ങുവാൻ
ഞങ്ങൽ കൈകളെ നീട്ടുകയും ചെയ്യുന്നു. കനിവുകൾ കൂടിയ
നിൻ ദയകളെ യഹോവേ ഓൎക്കുക. അവയല്ലോ യുഗാദിമുതൽ
ഉള്ളവ.

8*

"https://ml.wikisource.org/w/index.php?title=താൾ:GkVI22e.pdf/71&oldid=195299" എന്ന താളിൽനിന്ന് ശേഖരിച്ചത്