താൾ:Gangavatharan Nadakam 1892.pdf/25

വിക്കിഗ്രന്ഥശാല സംരംഭത്തിൽ നിന്ന്
ഈ താളിൽ തെറ്റുതിരുത്തൽ വായന നടന്നിരിക്കുന്നു

൨൨

സൂതൻ

ഇതിനെന്താകാരണമെന്നു മനസ്സിലായില്ല. ആട്ടെ അടിയൻ താഴെത്തിറങ്ങി ഗംഗവരുന്നതു കണ്ടത്ഭുതപ്പെട്ടു നിന്നിരുന്ന ജനങ്ങളോടു ചോദിച്ചറിഞ്ഞു വരാം.

രാജാ

അങ്ങിനെയാട്ടെ.


സൂതൻ

പോയിത്തിരികെവന്നിട്ടു

15 ചാടികൊണ്ടുവരുന്നഗംഗയെ രസംകൊണ്ടിടുകണ്ടേറ്റവും

കൂടെകൂടെയക്രജരോടുവിവരം ചോദിച്ചറിഞ്ഞേനഹം

താടികാരനൊരുത്തനിയൊഴികിടുംഗംഗാജലംസർവവും

മോടികായുടനാചമിച്ചു നൃപതേയാഗസ്ഥലം പൂകുപോൽ

രാജാ

വിചാരം

ഇത്രഗംഭീരനായ ആരാണിവിടെ യോഗം ചെയ്യുന്നത്.

ആലോചിച്ചിട്ട്

തപോനിധി ശ്രേഷ്ഠനായ ജഹനുമഹർഷിയാണല്ലേ. എന്നാലദ്ദേഹം യാഗവിഘ്നം വന്നെങ്കിലൊ എന്ന് വെച്ച് ആചമിച്ചൊടുക്കിയെന്ന് വരാം.

സ്പഷ്ടമായിട്ടു

എന്താണിനി നമ്മൾ ചെയ്യേണ്ടത്.

16 ഒട്ടേറെനാമിഹകൊതിച്ചുകൊതിച്ചിരിക്കെ

പ്പൊടിപ്പൊടിച്ചൊരുസുരദ്രുമവല്ലിമെല്ലെ

കഷ്ടിച്ചുകായ്ക്കുവതിനായ് ത്തുടർന്നനേരം

വെട്ടികളഞ്ഞവിധമായി മമപ്രയത്നം

സൂതൻ

അടിയനിനി യെന്താവേണ്ടതെന്നൊന്നും രൂപമില്ലാതെയായി.

രാജാ

ആലോചിച്ചിട്ട്

17 അനുപമഘനമാമീ'മാലിനി'തീർക്കുവാനാ

മുനിവരനുടെപാദംതന്നെസേവിച്ചുനിന്നാൽ

നിനവൊരുവിധമിഷ്ഠം പോലെസാധിച്ചിടാമീ

ജ്ജനമിനിയതിനില്ലേസംശയമ്ലേശവും മേ

എന്നല്ല. വിചാരിച്ചു നോക്കുമ്പോൾ അദ്ദേഹം 0൪0 ചെയ്യുതിനിക്ക വളരെ ഉപകാരമായി.എന്താണെന്നല്ലേ.

18 അച്ഛൻ തപസ്സിനുമുഷിഞ്ഞുമരിച്ചിതെൻ മു

ത്തച്ഛൻ തുടങ്ങിയവരാലുമസാദ്ധ്യമായി

തീർച്ചെക്കുകെടൊരുമനോരഥമിന്നുഞാൻ സാ

ധിച്ചെന്നിനിക്കുമദമുള്ളതുമൊന്നുതീർന്നു

സൂത, തേരിവിടെ നൃത്തുകതന്നെ.




























ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി നിർമ്മിച്ചതാണ്.
ഇതിലെ ഉള്ളടക്കത്തിന്റെ സ്കോർ ലഭിക്കുന്നതു് ഈ താൾ ആദ്യം ടൈപ്പു ചെയ്തുതുടങ്ങിയ Hareshare എന്ന ഉപയോക്താവിനായിരിക്കും.
ഈ താളിന്റെ ഗുണനിലവാരം:
(വിശദവിവരങ്ങൾക്കു് ഈ ലേഖനം കാണുക)
സങ്കീർണ്ണത തനിമലയാളം അക്ഷരങ്ങളുടെ എണ്ണം ടൈപ്പിങ്ങ് പുരോഗതി ഫോർമാറ്റിങ്ങ് മികവ് അക്ഷരശുദ്ധി
(സ്കോർ ഇതുവരെ ചേർത്തിട്ടില്ല) (സ്കോർ ഇതുവരെ ചേർത്തിട്ടില്ല) (സ്കോർ ഇതുവരെ ചേർത്തിട്ടില്ല) (സ്കോർ ഇതുവരെ ചേർത്തിട്ടില്ല) (സ്കോർ ഇതുവരെ ചേർത്തിട്ടില്ല) (സ്കോർ ഇതുവരെ ചേർത്തിട്ടില്ല)
"https://ml.wikisource.org/w/index.php?title=താൾ:Gangavatharan_Nadakam_1892.pdf/25&oldid=160013" എന്ന താളിൽനിന്ന് ശേഖരിച്ചത്