വരുടെ ബുദ്ധിഗുണാദികളെ അല്ലാതെ രൂപലാവണ്യത്തെ ചരിത്രകാരന്മാർ വർണ്ണിച്ചേതീരു എന്നില്ല. എങ്കിലും രമാബായിയെ സംബന്ധിച്ചിടത്തോളം അവൾ അതി രൂപവതിയായിരുന്നു എന്നെങ്കിലും പറയാതെ നിവൃത്തിയില്ല. കാരുണ്യാദി മനോഗുണങ്ങളും, ബുദ്ധിയുടെ തീക്ഷ്ണതയും സവിശേഷമായി സ്ഫുരിക്കുന്ന ആ മുഖത്തിന്റെ ഒരു ഛായ ഇതോടൊന്നിച്ചു് ചേർക്കാൻ കഴിയാത്തതിനെപ്പറ്റിമാത്രം വ്യസനിക്കുന്നു. രമാബായിയുടെ ജനനം ൧൦൩൩-ൽ ആയിരുന്നു. സംസ്കൃതവും മഹാരാഷ്ട്രം മുതലായ നാട്ടു ഭാഷകളും അവൾ ബാല്യത്തിൽതന്നെ പഠിച്ചു. പിന്നീടു ഇംഗ്ലീഷും കുറേ അഭ്യസിച്ചു. പന്ത്രണ്ടുവയസ്സു പ്രായമായപ്പോഴേക്കു് രമാബായിക്കു നാലഞ്ചു ഭാഷകളിൽ സാമാന്യമായ ജ്ഞാനം ഉണ്ടായിക്കഴിഞ്ഞിരുന്നു. അവളുടെ ഗുണാതിശയങ്ങളേപ്പറ്റി വിശേഷിച്ചൊന്നും പറയുന്നില്ല. അവളുടെ ജീവിതംതന്നെ ആ ഗുണങ്ങൾക്കു സർവത്ര സാക്ഷ്യമായിരിക്കുന്നു.
ബുദ്ധിക്കു പരിപാകംവരണമെങ്കിൽ ദുഃഖംകൂടി അനുഭവിക്കണമെന്നുണ്ടല്ലൊ. ഈ തത്വം അനുഭവസിദ്ധമാക്കാൻ എന്നപോലെ, പന്ത്രണ്ടാമത്തെ വയസ്സുമുതൽ രമാബായിക്കു കഷ്ടദശ ആരംഭിച്ചു. ആദിയിൽ വന്നുകൂടിയതു് ദാരിദ്ര്യദുഃഖമായിരുന്നു. ശാസ്ത്രികളുടെ പിതൃധനം മിക്കവാറും വനവാസത്തിൽതന്നെ പാന്ഥന്മാരെയും വിദ്യാർത്ഥികളെയും
 ഇതിലെ ഉള്ളടക്കത്തിന്റെ സ്കോർ ലഭിക്കുന്നതു് ഈ താൾ ആദ്യം ടൈപ്പു ചെയ്തുതുടങ്ങിയ Jairodz എന്ന ഉപയോക്താവിനായിരിക്കും. | |||||
| ഈ താളിന്റെ ഗുണനിലവാരം: (വിശദവിവരങ്ങൾക്കു് ഈ ലേഖനം കാണുക) | |||||
| സങ്കീർണ്ണത | തനിമലയാളം | അക്ഷരങ്ങളുടെ എണ്ണം | ടൈപ്പിങ്ങ് പുരോഗതി | ഫോർമാറ്റിങ്ങ് മികവ് | അക്ഷരശുദ്ധി |
| (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) |
