— 187 —
ഉ-ം. കേളൻ നല്ലവൻ; രാമൻ ജയിച്ചു; ഇവയിൽ 'നല്ലവൻ', 'ജ
യിച്ചു' എന്നവ ആഖ്യാതങ്ങൾ.
227. മൂന്നാമതൊരു പദം വാക്യത്തിന്നു ചിലപ്പോൾ വേണ്ടുന്നതി
ല്ലയൊ?
i.) ആഖ്യാതം സകൎമ്മകക്രിയയാകുന്ന പക്ഷം,
ക്രിയയെ അനുഭവിക്കുന്നതു കാണിപ്പാനായി ഒ
രു പദം മൂന്നാമതു വേണ്ടതാകുന്നു.
ഉ-ം. സൌമിത്രി വീതിഹോത്രനെ ജ്വലിപ്പിച്ചിതു.
ii.) ആഖ്യാതം നാമമായാൽ സംബന്ധക്രിയ അ
തിനോടു ചെൎക്കാം, സംബന്ധക്രിയ, ‘ആക' * എ
ന്ന ക്രിയയുടെ അനുസരണനിഷേധത്തിൽ
ഏതുമായിരിക്കും.
ഉ-ം. കേളൻ നല്ലവൻ 'ആകുന്നു.'
228. കൎത്താവെന്നതു എന്തു?
കൎത്താവു, ക്രിയയെ ചെയ്യുന്നതിനെ കാണിക്കു
ന്ന പദം തന്നെ; കൎത്താവു സാധാരണയായി
പ്രഥമവിഭക്തിയിൽ ആയിരിക്കും; (ആയതുകൊ
ണ്ടു ചിലപ്പോൾ ആഖ്യ കൎത്താവെന്നു വിളിക്ക
പ്പെടുന്നു.)
ഉ-ം. സൌമിത്രി വീതിഹോത്രനെ ജ്വലിപ്പിച്ചിതു, ഇതിൽ 'സൌ
മിത്രി' എന്ന ആഖ്യ, കൎത്താവു തന്നെ.
229. കൎത്താവു എല്ലായ്പൊഴും ആഖ്യയായിരിക്കുമൊ?
* ആക എന്നതിൻ്റെ നിഷേധം അല്ല എന്നതു തന്നെ.