൪ സ്വൎഗ്ഗവൎഗ്ഗഃ
൫൯ അഗ്നിൎവ്വൈശ്വാനരൊവഹ്നിൎവ്വീതിഹൊത്രൊധനഞ്ജയഃ
കൃപീഡയൊനിൎജ്ജ്വലനൊജാതവെദാസ്തനൂനപാൽ
൬൦ ബൎഹിശ്ശുഷ്മാകൃഷ്ണവൎത്മാശൊചിഷ്കെശ ഉഷൎബുധഃ
ആശ്രയാശൊബൃഹൽഭാനുഃ കൃശാനുഃ പാവകൊനലഃ
൬൧ രൊഹിതാശ്വൊവായുസഖശ്ശിഖാവാനാശുശുക്ഷണിഃ
ഹിരണ്യരെതാഹുതഭുഗ്ദഹനൊഹവ്യവാഹനഃ
൬൨ സപ്താൎച്ചിൎദ്ദമുനാശ്ശൂകശ്ചിത്രഭാനുൎവ്വിഭാവസുഃ
ശുചിരപ്പിത്തമൌൎവ്വസ്തു ബാഡവൊബഡവാനലഃ
൬൩ വഹ്നെൎദ്വയൊൎജ്ജ്വാലകീലാവൎച്ചിൎഹെതിശ്ശിഖാസ്ത്രിയാം
ത്രിഷുസ്ഫുലിംഗൊഗ്നികണസ്സന്താപസ്സജ്വരസ്സമൌ
൬൪ ധമ്മരാജഃ പിതൃപതിസ്സമവൎത്തീപരെതരാൾ
കൃതാന്തൊയമുനാഭ്രാതാ ശമനൊയമരാഡ്യമഃ
൬൫ കാലൊദണ്ഡധരശ്ശ്രാദ്ധദെവൊ വൈവസ്വതൊന്തകഃ
രാക്ഷസഃ കൌണപഃ ക്രവ്യാൽക്രവ്യാദൊസൃക്പആശരഃ
൬൬ രാത്രിഞ്ചരൊരാത്രിചരഃ കൎബ്ബുരൊനീകസാത്മജഃ
യാതുധാനഃ പുണ്യജനൊനൈരൃതൊയാതുരക്ഷസീ
൬൭ പ്രചെതാവരുണഃ പാശീയാദസാംപതിരപ്പതിഃ
ശ്വസനസ്പൎശനൊവായുൎമ്മാതരിശ്വാസദാഗതിഃ
൬൮ പൃഷദശ്വൊഗന്ധവഹൊഗന്ധവാഹാനിലാശുഗാഃ
സമീരമാരുതമരുജ്ജഗൽപ്രാണസമീരണാഃ
൬൯ നഭസ്വദ്വാതപവന പവമാനപ്രഭഞ്ജനാഃ
പ്രാണൊപാനസ്സമാനശ്ചൊദാനവ്യാനൌചവായവഃ
൭൦ നാഗഃ കൂൎമ്മശ്ചകൃകലൊദെവദത്താധനഞ്ജയഃ
ഹൃദിപ്രാണൊഗുദെപാനസ്സമാനൊനാഭിസംസ്ഥിതഃ
൭൧ ഉദാനഃ കണ്ഠദെശസ്ഥൊവ്യാനസ്സൎവ്വശരീരഗഃ
ശരീരസ്ഥാഇമെരംഹസ്തരസീ തുരയസ്സ്യദഃ
൭൨ ജവൊഥശീഘ്രന്ത്വരിതംലഘുക്ഷിപ്രമരന്ദ്രുതം
സത്വരഞ്ചപലന്തൂൎണ്ണമവിളംബിതമാശുച
൭൩ സതതാനാരതാശ്രാന്തസന്തതാവിരതാനിശം
നിത്യാനവരതാജസ്രമപ്യഥാതിശയൊഭരഃ
൭൪ അതിവെലഭൃശാത്യൎത്ഥാതിമാത്രൊൽഗാഢനിൎഭരം
തീവ്രൈകാന്തനിതാന്താനി ഗാഢബാഢദൃഢാനിച
൭൫ ക്ലീബെശീഘ്രാദ്യസത്വെസ്യാത്ത്രിഷ്വെഷാംസത്വഗാമിയൽ
കുബെരസ്ത്ര്യംബകസഖൊയക്ഷരാൾ ഗുഹ്യകെശ്വരഃ
൭൬ മനുഷ്യധൎമ്മാധനദൊരാജരാജൊധനാധിപഃ
കിന്നരെശൊവൈശ്രവണഃ പൌലസ്ത്യൊനരവാഹനഃ
൭൭ യക്ഷൈകപിംഗൈളിബിളിശ്ശ്രീദപുണ്യജനെശ്വരാഃ
അസ്യൊദ്യാനഞ്ചൈത്രരഥംപുത്രസ്തുനളകൂബരഃ
൭൮ കൈലാസസ്ഥാനമളകാ പൂൎവ്വിമാനന്തുപുഷ്പകം
സ്യാൽകിന്നരഃ കിംപുരുഷസ്തുരംഗവദനൊമയുഃ
