ശ്രീരാമൊദന്തം
൧ ശ്രീപതിംപ്രണിപത്യാഹംശ്രീവത്സാങ്കിതവക്ഷസം
ശ്രീരാമൊദന്തമാഖ്യാസ്യെശ്രീവാന്മീകിപ്രകീൎത്തിതം
൨ പുരാവിശ്രവസഃപുത്രൊരാവണൊനാമരാക്ഷസഃ
ആസീദസ്യാനുജൌചാസ്താംകുംഭകൎണ്ണവിഭീഷണൌ
൩ തെതുതീവ്രെണതപസാപ്രത്യക്ഷീകൃത്യവെധസം
വവ്രിരെചവരാനിഷ്ടാനസ്മാദാശ്രിതവത്സലാൽ
൪ രാവണൊമാനുഷാദന്യൈരവദ്ധ്യത്വന്തഥാത്മനഃ
നിൎദെവത്വെച്ശയാനിദ്രാംകുംഭകൎണ്ണൊവൃണീതച
൫ വിഭീഷണൊവിഷ്ണുഭക്തിംവവ്രെസത്വഗുണാന്വിതഃ
തെഭ്യഎതാൻവരാന്ദത്വാതത്രൈവാന്തൎദധെപ്രഭുഃ
൬ രാവണാസ്തുതൊഗത്വാരണെജിത്വാധനാധിപം
ലങ്കാപുരിംപുഷ്പകഞ്ചഹൃത്വാത്രാവസത്സുഖം
൭ യാതുധാനാസ്തതസ്സൎവെരസാതലനിവാസിനഃ
ദശാനനംസമാശ്രിത്യലങ്കായാംസുഖമാവസൻ
൮ മന്ദൊദരീമ്മയസുതാംപരിണീയദശാനനഃ
തസ്യാമുല്പാദയാമാസമെഘനാദാഹ്വയംസുതം
൯ രസാംരസാതലഞ്ചൈവവിജിത്യസതുരാവണഃ
ലൊകാനാക്രമയൻസൎവാൻജഹാരചവിലാസിനീഃ
൧൦ ദൂഷയൻവൈദികംകൎമ്മദ്വിജാനൎദ്ദയതിസ്മസഃ
ആത്മജെനാന്വിതൊയുദ്ധെവാസവഞ്ചാപ്യപീഡയൽ
൧൧ തദീയതരുരത്നാനിപുനരാനായ്യകിങ്കരൈഃ
സ്ഥാപയിത്വാതുലങ്കായാമവസച്ചചിരായസഃ
൧൨ തതസ്തസ്മിന്നവസരെവിധാതാരന്ദിവൌകസഃ
ഉപഗമ്യൊചിരെസൎവംരാവണസ്യവിചെഷ്ടിതം
൧൩ തദാകൎണ്ണ്യസുരൈസ്സാകംപ്രാപ്യദുഗ്ദ്ധൊദധെസ്തടം
തുഷ്ടാവചഹൃഷീകെശംവിധാതാവിവിധൈസ്തവൈഃ
൧൪ ആവിൎഭൂയാഥദൈത്യാരിഃ പപ്രച്ശചപിതാമഹം
കിമൎത്ഥമാഗതൊസിത്വംസാകന്ദെവഗണൈരിതി
൧൫ തതൊദശാനനാൽപീഡാമജസ്തസ്മൈന്യവെദയൽ
തച്ശ്രുത്വൊവാചധാതാരംഹൎഷയൻവിഷ്ടരശ്രവഃ
൧൬ അലംഭയെനാത്മയൊനെഗച്ശദെവഗണൈസ്സഹ
അഹന്ദാശരഥിൎഭൂത്വാഹനിഷ്യാമിദശാനനം
൧൭ ആത്മാംശൈശ്ച സുരാസ്സൎവെ ഭൂമൌവാനരരൂപിണഃ
ജായെരന്മമസാഹായ്യംകൎത്തും രാവണനിഗ്രഹെ