സംഗ്രഹാദ്ധ്യായമാം വിത്തും പൗലോമാസ്തീകവേർകളും 86
സംഭവസ്കന്ധവിരിവും സഭാരണ്യവിടങ്കവും1
അരണീപർവ്വനിറവും വിരാടോദ്യോഗസാരവും 87
ഭീഷ്മപർവ്വപ്പെരുംകൊമ്പും ദ്രോണപർവ്വദളാളിയും
കർണ്ണപർവ്വപ്പുതുപ്പൂവും ശല്യപർവ്വസുഗന്ധവും 88
സ്രീപർവ്വൈഷീകനിഴലും ശാന്തിപർവ്വഫലൗഘവും
അശ്വമേധാമൃതച്ചാറുമാശ്രമസ്ഥാനനിഷ്ഠയും 89
മൗസലശ്രുത്യന്തവുമായ് ദ്വിജസേവിതമായ്2 സദാ
നില്ക്കുമീ ഭാരതമഹാവൃക്ഷം സൽക്കവികൾക്കഹോ! 90
പർജ്ജന്യം3 ജീവികൾക്കെന്ന മട്ടിലാജീവ്യ4മായ് വരും.
ചൊല്ലാമാ മാമരത്തിന്റെ നല്ലാസ്വാദവിശുദ്ധമായ് 91
നിത്യം സുരർക്കുമച്ഛേദ്യം സത്യപുഷ്പഫലോദയം.
അമ്മ കല്പിക്കയാൽ ഭീഷ്മസമ്മതപ്പടി പണ്ടഹോ! 92
വിചിത്രവീര്യക്ഷേത്രത്തിൽ കൃഷ്ണദ്വൈപായനൻ മുനി
മക്കൾ മൂവരെയുണ്ടാക്കിയഗ്നി മൂന്നെന്നവണ്ണമേ 93
ധൃതരാഷ്ട്രൻ പാണ്ഡു പിന്നെ വിദുരൻ മൂവരിങ്ങനെ.
പിന്നെത്തപസ്സിനായ് പോയീ മാന്യൻ മുനി നിജാശ്രമേ 94
ഉണ്ടായ് വളർന്നവർ ഗതികൊണ്ടാർ പുത്രരതിന്നുമേൽ.
തീർത്തുവിട്ടൂ ഭരതമീ മർത്ത്യലോകേ മഹാമുനി. 95
ജനമേജയനും വിപ്രജനവും കേട്ടിരിക്കവേ,
ചൊല്ലാൻ വൈശമ്പായനനാം നല്ല ശിഷ്യനൊടേതിനാൻ 96
അവൻ സദ്സ്യമദ്ധ്യത്തിൽ ശ്രവിപ്പിച്ചിതു ഭാരതം
യജ്ഞക്രിയയ്ക്കുന്തരത്തിൽ പ്രാജ്ഞൻ ചോദിക്കകാരണം. 97
കുരുവംശത്തിൻ പരപ്പും ഗാന്ധാരീധർമ്മനിഷ്ഠയും
വിദുരജ്ഞാനവും കുന്തീധൈര്യവും വ്യാസനോതീനാൻ. 98
കൃഷ്ണമഹാത്മ്യവും പിന്നെപ്പാണ്ഡവർക്കുളള സത്യവും
ധാർത്തരാഷ്ട്രർക്കുള്ള ദുഷ്ടധൂർത്തും ചൊന്നാൻ മുനീശ്വരൻ. 99
ഇതു ലക്ഷം ഗ്രന്ഥമത്രേ പുണ്യകർമ്മിജനങ്ങടെ
ഉപാഖ്യാനങ്ങളോടൊത്തുള്ളാദ്യഭാരതമുത്തമം. 100
ചതുർവിംശതിസാഹസ്ര5മിതു ഭാരതസംഹിത
ഉപാഖ്യാനങ്ങൾ കൂടാതെയുള്ള ഭാരതമോതുവോർ. 101
മുനി നൂറ്റൻപതാൽപ്പിന്നെത്തീർത്തു സംക്ഷേപമായഹോ
അനുക്രമണികാദ്ധ്യായം തൽകഥാപർവ്വസംഗ്രഹം. 102
ഇതാദ്യം ശൂകനാം സ്വന്തം സുതന്നോതീ മഹാമുനി
താൾ:Bhashabharatham Vol1.pdf/20
ഈ താളിൽ തെറ്റുതിരുത്തൽ വായന ഉണ്ടായിട്ടില്ല