— 61 —
എന്നു പേർ. പിന്നിൽ വിശേഷണം നില്ക്കുന്നു എങ്കിൽ അ
തിനെ ഉത്തരവിശേഷണം എന്നു പറയാം.
107. വിശേഷണങ്ങൾ വിശേഷ്യത്തിന്റെ പിന്നിൽ
വരുന്നുവെങ്കിൽ അവക്കു ലിംഗഭേദം ഉണ്ടാകും. അപ്പോൾ
സംബന്ധക്രിയയും ചേരും.
| പൂൎവ്വവിശേഷണം: | ഉത്തരവിശേഷണം: |
|---|---|
| കറുത്ത മനുഷ്യൻ. | മനുഷ്യൻ കറുത്തവൻ [ആകുന്നു]. |
| തടിച്ച പെണ്ണു. | പെണ്ണു തടിച്ചവൾ [ആകുന്നു]. |
| വലിയ വീടു. | വീടു വലിയത[ാകുന്നു.] |
[ജ്ഞാപകം: 'മനുഷ്യൻ കറുത്തവൻ ആകുന്നു' എന്ന വാക്യത്തിൽ 'കറുത്ത
വൻ' എന്നതു ആഖ്യാതപൂരണം തന്നേ. അതു ഉത്തരവിശേഷണവും ആയി
വന്നിരിക്കുന്നു. 'രാമൻ വീരൻ ആകുന്നു' എന്ന വാക്യത്തിൽ ആഖ്യാതപൂരണ
മായ 'വീരൻ' എന്നതു നാമമാകകൊണ്ടു ഉത്തരവിശേഷണമാകയില്ല. ഗുണ
വചനങ്ങളെ മാത്രമേ ഉത്തരവിശേഷണമായിട്ടു എടുക്കാവു.]
33. അഭ്യാസം.
1. താഴേ എഴുതിയ വാക്യങ്ങളിലെ ഗുണനാമത്തിന്നു പകരം ഗുണവചന
ത്തെ എഴുതി വാക്യത്തെ മാറ്റുക. (1) ശില്പി വളരെ സാമൎത്ഥ്യമുള്ളവനാ
കുന്നു. (2) ഇവൻ വളരെ ബുദ്ധിയുള്ള കുട്ടിയാകുന്നു. (3) മിടുക്കുള്ള മനു
ഷ്യൻ വമ്പിച്ചതായ കാൎയ്യവും കടുക്കനെ സാധിപ്പിക്കും. (4) ഇവൎക്കു ഈ കാൎയ്യ
ത്തിന്നു യോഗ്യതയില്ല. (5) കുട്ടിക്കു ധൈൎയ്യവും സ്ഥിരതയും ഉണ്ടു. (6) ഔദാ
ൎയ്യ്യമുള്ള രാജാവു സൌന്ദൎയ്യമുള്ള കുട്ടിയുടെ മാധുൎയ്യത്തോടു കൂടിയ ഗാനം കേട്ടു
സന്തോഷിച്ചു.
2. താഴേ എഴുതിയ വാക്യങ്ങളിലെ ഗുണവചനത്തിന്നു പകരം ഗുണനാ
മം എഴുതി വാക്യം മാറ്റുക. (1) ഭൂലോകമാകുന്ന വിശാലഭവനം. (2) ശത്രു
ക്കളെ സംഹരിച്ച ധീരനായ പുരുഷൻ. (3) ധീരനായ ബാലൻ ക്രൂരനായ
ശത്രുവെ തടുത്തു. (4) ചൂടുവെള്ളം ചെറുമുല്ലക്കു പകരാമോ? (5) ഇവളുടെ
മധുരമായ ഗാനം കേൾക്ക. (6) ചന്ദ്രനെ പോലെ സുന്ദരമായ മുഖത്തെ കണ്ടു
സന്തോഷിച്ചു.
