താൾ:56A5726.pdf/10

വിക്കിഗ്രന്ഥശാല സംരംഭത്തിൽ നിന്ന്
ഈ താളിൽ തെറ്റുതിരുത്തൽ വായന നടന്നിരിക്കുന്നു

രണ്ടാം പതിപ്പിന്നുള്ള
മുഖവുര.

ആദ്യത്തെ പതിപ്പു ക്ഷണത്തിൽ തീൎന്നുപോയതുകൊണ്ടു ഉപാദ്ധ്യായന്മാൎക്കും
ശിഷ്യന്മാൎക്കും ബാലവ്യാകരണത്തിൽ വളരെ തൃപ്തിയുണ്ടെന്നു വിശ്വസിച്ചു
സന്തോഷിക്കുന്നു. പല ആവശ്യക്കാരുമുള്ളതുകൊണ്ടു ഈ ദ്വിതീയാവൃത്തി
പ്രസിദ്ധപ്പെടുത്തിയിരിക്കുന്നു. പ്രഥമാവൃത്തിയിലുണ്ടായിരുന്ന ചില ന്യൂനത
കളെ നീക്കി, പുസ്തകം ആസകലം പരിശോധിപ്പിച്ചു, അഭ്യാസങ്ങളും പരീക്ഷാ
ചോദ്യങ്ങളും ചേൎത്തു രണ്ടാമതായി പ്രസിദ്ധപ്പെടുത്തി, കേരളീയവിദ്വജ്ജനങ്ങ
ളുടെ കരുണാവലോകനത്തിനു പാത്രമാക്കി വെച്ചിരിക്കുന്നു. മതിരാശി, തിരു
വിതാംകൂറു, കൊച്ചി സംസ്ഥാനങ്ങളിൽ പാഠശാലകളുടെ ഉപയോഗാൎത്ഥം ഈ
പുസ്തകത്തെ അംഗീകരിച്ചിരിക്കുന്ന ആ രാജാധികാരികളുടെ മഹോപകാര
ത്തെ കൃതജ്ഞതാപൂൎവ്വം സദാ സ്മരിച്ചുവരുന്നു. ഈ പുസ്തകത്തിലെ ഗുണദോ
ഷങ്ങളെ പ്രകടിപ്പിച്ചു അതിന്നു പ്രാചുൎയ്യവും പ്രസിദ്ധിയും വരുത്തിയ പത്രാ
ധിപന്മാരുടെ ഉപകാരത്തിനായി അവരോടു നന്ദി പറയുന്നു.

ഏഴാന്തരം (മൂന്നാം ഫോറം) വരക്കുള്ള വ്യാകരണമിത്രമെന്ന ഉപരിഗ്ര
ന്ഥം അചിരേണ പ്രസിദ്ധപ്പെടുത്തുന്നതാകുന്നു. വിശ്വവിദ്യാലയത്തിലേ
സകലപരീക്ഷകൾക്കും ഉതകുന്നതായ വ്യാകരണചിന്താമണി എന്ന ഒരു ബൃഹ
ദ്ഗ്രന്ഥം ഈ ബാലവ്യാകരണത്തിന്റെ മാൎഗ്ഗദൎശകനും പരിശോധകനും ആയ
എന്റെ സ്നേഹിതൻ ബഹുകാലമായി എഴുതിവരുന്നു. ജീവഭാഷകളുടെ വ്യാ
കരണത്തിന്നു ഒരു കാലത്തും സംപൂൎത്തി വരുന്നതല്ലെങ്കിലും ശാസ്ത്രീയരീതിയിൽ
വൈയാകരണസിദ്ധാന്തങ്ങളെ പ്രദൎശിപ്പിക്കുന്ന ഒരു പുസ്തകം അത്യന്താപേ
ക്ഷിതം തന്നേ. കുറെ പരിഷ്കരിച്ചാൽ കേരളപാണിനീയവും, ഉടനേ പ്രസി
ദ്ധപ്പെടുത്തിയാൽ വ്യാകരണചിന്താമണിയും, മലയാളഭാഷക്കു ഉപയുക്തവ്യാ
കരണങ്ങളായിത്തീരും.

M. K.

"https://ml.wikisource.org/w/index.php?title=താൾ:56A5726.pdf/10&oldid=196208" എന്ന താളിൽനിന്ന് ശേഖരിച്ചത്