താൾ:39A8599.pdf/720

വിക്കിഗ്രന്ഥശാല സംരംഭത്തിൽ നിന്ന്
ഈ താളിൽ തെറ്റുതിരുത്തൽ വായന നടന്നിരിക്കുന്നു

660 തലശ്ശേരി രേഖകൾ

നിപ്പിച്ചു. എന്റെ വസ്തുവക അടക്കി കുംപഞ്ഞി പണ്ടാരത്തിൽ കൊടുക്കണ്ടെ നികിതിയും
കൊടുത്ത എതാൻ കടക്കാരിക്കും കൊടുത്ത ശെഷം ഉള്ളതുകൊണ്ട പഷണി
കിടക്കാതെ ഒരു നെരമെങ്കിലും കഴിച്ചു കൂട്ടിക്കൊണ്ടു പൊരുന്നടുത്തു തലവിൽ
അനന്തൻ കണക്കപ്പിള്ള പെരുമ്പെ എമ്പാന എന്നുള്ളടത്തു അയച്ചു പറയിച്ച
വർത്തമാനം മുണ്ടപ്പിറത്ത ഇല്ലത്തെ വസ്തുവകയും അവരെ കീർത്തിമങ്ങലത്ത
ദൈവസ്വവും ഒക്കെയും കൂടി മൊഴപ്പിലങ്ങാട്ട കഴകത്ത ജന്മനീര തന്നാൽ അതിന
പിടിപ്പത വെലകൊടുക്കാം. ഒരു കുറ്റുകാരും സഹായവും ഇല്ലാതെ ഇവിട ദുഃഖിച്ചു
ഇരിക്കെണ്ട ഉർപ്പ്യയുംകൊണ്ട വെണ്ടാട്ടുകരെക്ക പൊയിസുഖമായി ഇരുന്നുകൊള്ളട്ടെ
എന്ന എന്നൊടു എമ്പ്രാൻ പറഞ്ഞാറെ ഞാനക്കാര്യം ചെയ്കയില്ല എന്ന പറഞ്ഞയച്ചു.
എന്നതിന്റെശെഷം എന്റെ ഒടപ്പിറന്നവനായ നമ്പൂരി ഒരികാര്യമായിട്ട വെണാട്ടുകരെ
ക്ക പൊയതിന്റെ ശെഷം കണ്ടം തള്ളി ഉന്മിലി എന്ന വാരിശ്യാര എന്നൊടു വന്നു
പറഞ്ഞു. നിങ്ങളെ മൊഴപ്പിലങ്ങാട്ടു കൂട്ടുക്കൊണ്ടു ചെല്ലുവാൻ തലവിൻ അനന്തൻ
കണക്കപ്പിള്ള എന്ന പറഞ്ഞയച്ചിരിക്കുന്നു എന്നു പറഞ്ഞാരെ ഞാൻ ഇപ്പൊൾ ഒരെ
ടത്തും പൊകയില്ലയെന്നു പറഞ്ഞയച്ചു. പിന്നയും കൂടിക്കുട രണ്ടുമുന്നു ദിവസം വന്നു
പറഞ്ഞാരെ വാരിശ്യാരെ കുട ഞാൻ മൊഴപ്പിലങ്ങാട്ടു പൊയതിന്റെശെഷം നിങ്ങളെ
വസ്തുവക ഒക്കെയും മൊഴപ്പിലങ്ങാട്ടു കഴകത്തെക്ക ജന്മം തരണമെന്ന കണക്കപ്പിള്ള
എന്നൊടു പറഞ്ഞാരെ എന്റെ ഒടപ്പിറന്നവനായ നമ്പൂരി വെണാട്ടുകരെയിന്ന ഇവിട
വന്നല്ലാതെ ഞാൻ ഒരി കാര്യവും നടക്കയില്ല എന്നു പറഞ്ഞു. നിന്നെടത്തു എന്റെ കൂട
ചങ്ങാതം-പൊന്നവാരിശ്യാരയും അയക്കാതെ എന്ന മൂന്നു ദിവസം അവിടഒരു കളത്തിൽ
നിപ്പിച്ചു. ഒരു ചങ്ങാതംകൂടാതെ എനിക്ക അവിടന്നു പൊന്നുകൂടായ്ക്കക്കൊണ്ടും എന്റെ
സങ്കടം അവിട ഒരാളൊടു പറവാനില്ലായ്ക്കക്കൊണ്ടും മനസ്സു മുട്ടിയ നിലയിൽ
കണക്കപ്പിള്ള എഴുതിക്കൊണ്ടുവന്നപ്രമാണത്തിന ഞാൻ ഒന്നു വരെച്ചു കൊടുക്കെയും
ചെയ്തു. കിണ്ടിയിൽ കൊണ്ടവെച്ച വെള്ളവും കിണ്ടിയൊടെ നീക്കിക്കൊടുത്തു.
പിറ്റെന്നാൾ എന്ന ചങ്ങാതവും കുട്ടി മാവിലായിമഠത്തിൽ അയക്കെയും ചെയ്തു
. കിണ്ടിയിൽ ഇട്ട പണം ഞാൻ എടുക്കായ്കകൊണ്ടു പിന്ന ഒരു ദിവസം വാരിശ്യാര
ഞാൻ ഇരിക്കുന്ന മഠത്തിൽ കൊണ്ടുവന്നു ഇട്ടെച്ചി പൊയി. ഒടപ്പിറന്നവനായ നമ്പൂരി
വെണട്ടരക്ക പൊയതിന്റെശെഷം ചിലവിന മനസ്സുമുട്ടിയിരിക്കുമ്പൊൾ ചിലവിന
എതാൻ ഒന്ന ഞാൻ കൊടുക്കാം എന്ന കണക്കപ്പിള്ള എന്നുള്ളടത്തു പറഞ്ഞയച്ചാരെ
എന്ന മുട്ടിച്ചു ചെയിച്ച കാര്യം വകയിൽ ഞാൻ ഒന്നും വാങ്ങുകയില്ല എന്ന പറഞ്ഞയച്ചു.
എന്നതിന്റെശെഷം ആ വകയിൽ വാങ്ങുകയില്ല എങ്കിൽ കടമായിട്ട എങ്കിലും എതാൻ
ഒന്ന കൊടുക്കാം എന്ന കണക്കപ്പിള്ള പറയുന്നു എന്നു ഉന്മിലി വന്നു പറഞ്ഞാരെ
കൂടക്കൂട പലദിവസമായിട്ട ഇരിപതാം മടക്ക 450 നെല്ല കണക്കപ്പിള്ള തന്നിട്ടും ഉണ്ട.
കണക്കപ്പിള്ളയിന്റെ പെർക്ക ചങ്കരവാരിയറൊടൂ 250 നെല്ല ഉന്മിലിയും വാങ്ങി തന്നിട്ടും
ഉണ്ട. പൊട ആയിട്ടും പണമായിട്ടും 26 പണവും 6 തുട്ടുറുപ്പികയും കൂടി തന്നിട്ടും ഉണ്ട.
ഈ നടന്ന കാര്യത്തിന്റെ നെര ഇപ്രകാരം ആകുന്നു. വിശെഷിച്ചിഞാൻ ഒരു സഹായവും
ഇല്ലാതെ പെണ്ണുംപിള്ള എല്ലൊ ആകുന്നു. സായ്പവർകളളെ കൃപ ഉണ്ടായിട്ടു. ഇതിന്റെ
നെരുപൊലെ ആക്കി തരികെയും വെണം. എന്നാൽ 975 മത മീനമാസം 13 നു എഴുതിയത
മെടമാസം 12 നു ഇങ്കിരിയസ്സകൊല്ലം 1800 മത ഏപ്രിൽ മാസം 22 നു
പെർപ്പാക്കികൊടുത്തത.

1381 K

1637 മത രാജശ്രീ കടുത്തനാട്ട പൊർള്ളാതിരി ഉദയവർമ്മ രാജാവ അവർകൾക്ക
രാജശ്രീ വടക്കെ അധികാരി തലച്ചെരി തുക്കടി സുപ്രഡെണ്ടൻ ജെമിസ്സ ഇഷ്ടിവിൻ
സായ്പു അവർകൾ സലാം. എന്നാൽ തങ്ങൾ എഴുതി അയച്ച കത്ത എത്തി. വായിച്ചി

"https://ml.wikisource.org/w/index.php?title=താൾ:39A8599.pdf/720&oldid=201816" എന്ന താളിൽനിന്ന് ശേഖരിച്ചത്