താൾ:39A8599.pdf/686

വിക്കിഗ്രന്ഥശാല സംരംഭത്തിൽ നിന്ന്
ഈ താളിൽ തെറ്റുതിരുത്തൽ വായന നടന്നിരിക്കുന്നു

തലശ്ശേരി രേഖകൾ

വൃശ്ചികമാസം 13 നു എഴുതിയത വൃശ്ചികം 17 നു ഇങ്കിരെസ്സകൊല്ലം 1799 മത
നൊവെമ്പ്രമാസം 30നു പെർപ്പാക്കിയത.

1331 K

1587 മത രാജശ്രീ പഴശ്ശിയിൽ കെരളവർമ്മരാജാവ അവർകൾക്ക രാജശ്രീ വടക്കെ
അധികാരി തലച്ചെരി തുക്കടി സുപ്രഡെണ്ടൻ ജെമിസ്സ ഇഷ്ടിവിൻ സായ്പു അവർകൾ
സലാം. എന്നാൽ തുലാമാസം 20 നു നമുക്ക എഴുതി അയച്ചകത്ത സന്തൊഷത്തൊടുകൂട
വാങ്ങുകയും ചെയ്തു. അതിൽ നിൽക്കുന്ന ഉറുപ്പ്യ ഈശ്വരത്ത നമ്പ്യാരെ കയ്യായിട്ട
തന്നെ കൊടുത്തയച്ചു എങ്കിൽ നന്നായിരുന്നു എന്ന വെച്ചിട്ടുണ്ടെല്ലൊ. അതുംവണ്ണം
ചെയ്യണമെന്ന നമ്മുടെ മെൽ ഇരിക്കുന്നവരുടെ കല്പന വന്നിരിക്കകൊണ്ട ഇപ്പൊൾ
കൊട്ടെത്തിൽ ഉള്ള കാര്യങ്ങൾ അന്നെ ഷിപ്പാൻ നിൽപ്പിച്ച രാജശ്രീ വിൽസ്സൻ സായിപ്പ
വർകളെ അരികത്ത ഈശ്വരത്ത നമ്പ്യാര്ചെന്ന ഉടെനെ നിൽക്കുന്ന ഉറുപ്പിക ഒക്കെയും
കൊടുക്കണമെന്ന ഇവിടെനിന്ന കല്പിക്കയും ചെയ്യും. എന്നാൽ കൊല്ലം 975 മത
വൃശ്ചികമാസം 21 നു ഇങ്കിരെസ്സ കൊല്ലം 1799 മത ദെശെമ്പ്രമാസം 4 നു എഴുതിയത.

1332 K

1588 മത രാജശ്രീ വടക്കെ അധികാരി തലച്ചെരി തുക്കടി സുപ്രഡെണ്ടൻ ജെമിസ്സ
ഇസ്ഥിവിൻ സായ്പു അവർകൾക്ക ചെറക്കൽ രവിവർമ്മ രാജാവ അവർകൾ സല്ലാം.
ചെമ്പറ ദെവസ്ഥാനത്തെ വസ്തു വഷെഹടെ കാര്യംകൊണ്ട നാം സായിപ്പവർകളെ ബൊധി
പ്പിച്ചിട്ട ഉണ്ടെല്ലൊ. അക്കാര്യത്തിന നാം ക്രൈബാൻ സായിപ്പിന എഴുതി അയച്ചാരെ മറുപടി
വന്ന കത്തിന്റെ പെർപ്പ ഇതിനൊടു കൂട അങ്ങൊട്ട കൊടുത്തയച്ചിരിക്കുന്ന പാറമ്മൻ
സായിപ്പവർകൾ എഴുതിയയച്ച കത്തും സായിപ്പവർകൾ കണ്ടിരിക്കുന്നെല്ലൊ.
അതുകൊണ്ട അക്കാര്യം മെൽ നടന്നപ്രകാരം ആ വഹ എടുപ്പിക്ക തക്കവണ്ണം കല്പന
വരണ്ടതിന സായിപ്പവർകളൊട നാം അപെക്ഷിക്കുന്നു. എന്നാൽ കൊല്ലം 975 മാണ്ട
വൃശ്ചികമാസം 20 നു ചെറക്കൽനിന്ന എഴുതിയത. വൃശ്ചികം 23 നു ഇങ്കിരിയസ്സ
കൊല്ലം 1799 മത ദെശെമ്പ്രമാസം 6 നു പെർപ്പാക്കിയത.

1333 K

1589 മത മഹാരാജശ്രീ ചെറക്കലെ രാജാവിന വായിച്ചി കെൾപ്പിക്കെണ്ടുന്ന അവസ്ഥ.
എന്നാൽ കന്നിമാസം 22 നു കൊടുത്തയച്ച കത്ത 28 നു ഇവിട എത്തി. വായിച്ച
അവസ്ഥയും അറിഞ്ഞു. ചെമ്പറെ ദെവസ്ഥാനത്തെ വഹനെമൽ 75 മത നികിതി
എടുപ്പാൻതക്കവണ്ണം കംസനരുമാരുടെ കല്പന വന്നിരിക്കകൊണ്ട അത്തിരെ ആ വഹ
വിരൊധിച്ചിത. ആയതകൊണ്ട ആ നികിതി എടുക്കണ്ടൊന്നുള്ളത അവരെ കല്പന
വരുത്തി തന്നാൽ അപ്രകാരം നടക്കയും ചെയ്യും. ഇത്രനാളും എഴുന്നള്ളിയടത്തെ വഹ
ആകകൊണ്ട നാം ഒന്നും ചൊതിച്ചിട്ടും ഇല്ല. ഇപ്പൾ പ്രത്യെകം കല്പന വന്നിരിക്ക
കൊണ്ടത്തിരെ ചാർത്തിയത. ശെഷം നമ്മളകൊണ്ട വെണ്ടുന്ന കാര്യത്തിനൊക്കയും
കല്പിച്ച എഴുതി വരികാറായും വെണം. എന്നാൽ കൊല്ലം 975 മതചെന്ന കന്നിമാസം
28 നു ക്രൈബാൻ സായിപ്പ എഴുതിയത. വൃശ്ചികം 23 നു ഇങ്കിരെസ്സ കൊല്ലം 1799 മത
ദെശെമ്പ്രമാസം 6 നു പെർപ്പാക്കിയത.

1334 K

1590 മത രാജശ്രീ വടക്കെ അധികാരി തലച്ചെരി തുക്കടി സുപ്രഡെണ്ടൻ ജെമിസ്സ
ഇസ്ഥിവിൻസായ്പു അവർകൾ പുതുക്കുടി പക്കിമൂപ്പന എഴുതികൊടുത്തക്ക്രമം

"https://ml.wikisource.org/w/index.php?title=താൾ:39A8599.pdf/686&oldid=201697" എന്ന താളിൽനിന്ന് ശേഖരിച്ചത്