താൾ:39A8599.pdf/676

വിക്കിഗ്രന്ഥശാല സംരംഭത്തിൽ നിന്ന്
ഈ താളിൽ തെറ്റുതിരുത്തൽ വായന നടന്നിരിക്കുന്നു

616 തലശ്ശേരി രേഖകൾ

അത സമ്മതം എന്നുള്ളത നാം പറഞ്ഞിട്ടില്ല. ശെഷം ഒക്കയും ഉള്ളത്തന്നെ ആ വാക്ക
നാം പറഞ്ഞു എന്ന എഴുതി കാണുകകൊണ്ട നമുക്കു വളര സങ്കടം തന്നെ ആകുന്നു.
ആക്കത്തും മുൻമ്പെ സായ്പു അവർകൾ തന്നെ ഒരു കത്ത കൊഴിക്കൊട്ട കമിശനർ
സായ്പുമാർ അവർകൾ എഴുതി അയച്ചിട്ടുള്ളത കൊടുത്തയച്ചുവെല്ലൊ. അതും ഇതും
കാണുനൊൾ രണ്ടും ചെർച്ച ആയിതൊന്നുന്നില്ലല്ലൊ. അതുകൊണ്ട ഇക്കത്തിന
മറുപടി നിരുവിച്ച എഴുതിക്കൊടുത്തയക്കാം എന്നും രാജ്യകാര്യം കൊണ്ട 74 മതിലെ
രണ്ടാം ഗഡുവിലെ നിപ്പും മൂന്നാംഗഡുവിന്റെ ഉറുപ്പ്യയും ബൊധിപ്പിപ്പാൻ ഇപ്പൾതന്നെ
ജാമീൻ കൊടുക്കാം. 75 മതിലെ ഉറുപ്യക്ക ഗഡുപ്രകാരം ബൊധിപ്പിപ്പാൻ തക്കവണ്ണം
ഒരു വർത്തകനെ ജാമിൻ കൊടുക്കാം. ആ വർത്തകന നാട്ടിൽ നിന്ന പിരിപ്പിച്ച ഉറുപ്പ്യ
ബൊധിപ്പിച്ചൊളാം. അതുകൊണ്ട രാജ്യം നമുക്കതന്നെ സമ്മതിച്ച തരുവാൻ നാം
അപെക്ഷിക്കുന്നപ്രകാരവും നാട്ടിലെ കണക്കുകൾ ഒക്കയും നാം കുടിയാന്മാരൊട
പിരിപ്പിക്കുന്നപ്രകാരം ഉള്ള കണക്കുകളും കാനഗൊവിക്ക ബൊധിപ്പിക്കാം. എനി
കീഴനാളിൽ നടന്നപ്രകാരം നടക്കുകയും ഇല്ല എന്നും നാം പറഞ്ഞപ്രകാരം ബൊധിപ്പിക്ക
ണമെന്നു രാജാവർകൾ പറഞ്ഞാരെ ഞാൻ പറഞ്ഞത സമ്മതം എന്നുള്ളത രാജ
അവർകൾ പറയാതെകണ്ട കത്തിൽ എഴുതി കാണുകയില്ലല്ലൊ. 75 മത മുതൽ
സർക്കാരിൽനിന്ന തന്നെ നികിതി പിരിപ്പിപ്പാൻ തക്കവണ്ണം മെൽസംസ്ഥാനത്തിങ്കൽ
നിന്ന കല്പന വന്നിരിക്കുന്ന. അതുകൊണ്ട സർക്കാരിൽ നിന്നതന്നെ നികിതി
പിരിപ്പിക്കുന്നു എന്നും അതിന താമസിയാതെകണ്ട നാം പറഞ്ഞപ്രകാരം കണക്കുകളും
കൊടുത്ത അച്ചുകണക്കപ്പിളെള്ളന് അയച്ചുകണക്കുകൾ കാണിച്ചു കൊടുത്താൽ നികിതി
അധികം ഉണ്ടെങ്കിൽ അപ്രകാരം രാജാ അവർകൾക്ക പത്തിനരണ്ടും കിട്ടും. അതിൽ
കൊറിഞ്ഞ കണ്ടാൽ അപ്രകാരവും ഉള്ളതിന്റെ പത്തിന രണ്ടും രാജാ അവർകൾക്ക
കിട്ടും എന്ന സായ്പു അവർകൾ പറഞ്ഞാരെ അത നമുക്കും നല്ലത തന്നെ അപ്രകാരം
കണക്ക കാണിച്ചു തരാമെന്നും കണക്കും കണക്കെഴുത്തുകാരയും
പ്രവൃത്തിക്കാരയും പറഞ്ഞയക്കാമെന്നും രാജാവർകൾ പറഞ്ഞിട്ടുണ്ടെല്ലൊ. അതുകൊണ്ട സമ്മദം എന്ന
എഴുതിയതിന വെണ്ടതില്ലല്ലൊ എന്ന ഞാൻ പറഞ്ഞാരെ നികിതി അധികമായാൽ
നമുക്കും അധികം പത്തിന രണ്ടും കിട്ടും. കൊറിഞ്ഞ പൊയാൽ അപ്രകാരംവും പത്തിന
രണ്ട കിട്ടും . അതുകൊണ്ട കണക്ക ഒക്കയും കൊടുത്തയച്ചു കണക്ക കാണിക്കാ മെന്ന
പറെഞ്ഞു. അതുകൊണ്ട രാജ്യം സർക്കാരിൽ നിന്ന അന്ന്വെഷിക്കുന്നത സമ്മദം എന്ന
ആകയില്ലല്ലൊ. അതുകൊണ്ട ഇത വലിയ കാര്യം ആകകൊണ്ട നിരുപിച്ച മറുപടി
എഴുതി ക്കൊടുത്തയക്കാം. ഇപ്പൊൾ നിങ്ങൾക്ക പൊകണമെങ്കിൽ പൊകാമെന്ന
പറക്കൊണ്ട ഇണ്ടൊട്ട വരികയും ചെയ്യു. എന്നാൽ കൊല്ലം 975 മത തുലാമാസം 4 നു
ഇങ്കിരെസ്സ കൊല്ലം 1799 മത ഒയിത്തുബവൃ മാസം 18 നു പഴയങ്ങാടിയിൽ നിന്ന
പെർപ്പാക്കിയത.

1312 K
1568 മത രാജശ്രീ വടക്കെ അധികാരി തലച്ചെരി തുക്കടി സുപ്രഡെണ്ടൻ, ജെമിസ്സ
സ്ഥിവിൻ സായിപ്പവർകൾക്ക ചെറക്കൽ രവിവർമ്മ രാജാവ അവർകൾ സല്ലാം. 3 നു
കാനഗൊവി സുബ്ബയ്യന്റെ കയ്യിൽ കൊടുത്തയച്ച കത്തും 5 നു എഴുതി കൊടുത്തയച്ച
കത്തും പരസ്യവും നാമിരിക്കുന്നെടത്ത കൊണ്ടുവന്ന വായിച്ചുകെട്ട അവസ്ഥയും
അറിഞ്ഞു. ബഹുമാനപ്പെട്ട കുമ്പഞ്ഞി അവർകളുടെ കല്പനക്ക സായിപ്പവർകൾ
അയക്കുന്ന കത്തുകളും പരസ്യങ്ങളും കാണുമ്പൊൾ നമ്മുടെ മനസ്സിൽ ഉള്ള സങ്കടങ്ങൾ
സായിപ്പവർകളെ ബൊധിപ്പിക്കണ്ടതിന വളര ഭയമായിരിക്കുന്ന. അതുകൊണ്ട
സായിപ്പവർകളെ മനസ്സ് ഉണ്ടായിട്ട നമ്മുടെ അവസ്ഥകൾകൂട കെട്ടു ബൊധിച്ചി
വെണ്ടുന്നതിന നാം തന്നെ സായിപ്പവർകളെ അടുക്ക വന്ന എല്ലാ കാര്യങ്ങളും
"https://ml.wikisource.org/w/index.php?title=താൾ:39A8599.pdf/676&oldid=201652" എന്ന താളിൽനിന്ന് ശേഖരിച്ചത്