തലശ്ശേരി രേഖകൾ 615
1311 K
1567 മത രാജശ്രീ ചെറക്കൽ രവിവർമ്മ രാജാവ അവർകൾ അകടെമ്പ്രമാസം 10 നു
രാജശ്രീ വടക്കെ അധികാരി സുപ്രഡെണ്ടൻ ജെമിസ്സ ഇഷ്ടിവിൻ സായ്പു അവർകളെ
കാമാൻതക്കവണ്ണം വന്നപ്പൊൾ ഇത്രനാളും കാനഗൊവി സുബ്ബയ്യൻ ദിവസൈന നമ്മുടെ
അടുക്ക വന്നിരുന്നുവല്ലൊ. ഇപ്പൊൾ സുബ്ബയ്യൻ കൂട വരാറില്ലല്ലൊ എന്ന എന്നൊട
രാജാ അവർകൾ പറഞ്ഞാരെ ഇപ്പൊൾ എനിക്കു വളര കാര്യം ഉണ്ടാക്കൊണ്ട സായ്പു
അവർകളെ കല്പനയും വാങ്ങി ഒരിക്കൽ വരാമെന്ന പറഞ്ഞ 16 നു രാജാവർകളെ
ചെന്ന കണ്ടാരെ രാജാവ അവർകൾ പറഞ്ഞത ഇപ്പൊൾ സായ്പു അവർകൾ പ്രവൃത്തി
ക്കാരന്മാരയും കണക്കെഴുത്തകാരയും കൂട്ടി അയക്കണമെന്നും അച്ചുകണക്കപ്പിള്ളന
കൂട അയച്ച കണക്കുകൾ ഒക്കയും കാണിച്ച തരണമെന്നും സായ്പു അവർകൾ
കല്പിക്കുന്നവെല്ലൊ. ആയതിന പ്രവൃത്തിക്കാരന്മാർക്ക സായ്പ അവർകൾ തന്നെ
കല്പന എഴുതി അയച്ചിട്ടുണ്ടല്ലൊ. അതുകൊണ്ട അവര ഒക്കയും സായ്പുഅവർകളെ
അടുക്ക വരികയും ചെയ്യും. അത കൂടാതെ നാം വരുത്തുവാൻ അതിന സങ്ങതിഇല്ലല്ലൊ
എന്നും അവര ഒക്കയും മാറ്റി പ്രത്യെകമായിട്ട സായ്പ അവർകൾ തന്നെ ആളെ ആക്കെട്ടെ
എന്നും നാം ആക്കീട്ടുള്ള പ്രവൃത്തിക്കാരന്മാരയും കണക്കെഴുത്തകാരന്മാരയും നമ്മുടെ
അടുക്കത്തന്നെ അയപ്പാൻ തക്കവണ്ണം സായ്പവർകളൊട നിങ്ങൾ പറഞ്ഞ കൊള്ളണ
മെന്നും രാജാവർകൾ പറഞ്ഞാരെ ബഹുമാനപ്പെട്ട കുമ്പഞ്ഞി സർക്കാരിലെ കല്പനക്ക
ഇത്തനാളും രാജാ അവർകൾ രാജ്യം അന്ന്വെഷിക്കകൊണ്ടഅസ്സമയത്തിൽ രാജാഅവർ
കൾ ആക്കീട്ടുള്ള പ്രവൃത്തിക്കാരന്മാര എങ്കിലും കണക്കെഴുത്തകാര് എങ്കിലും മറ്റുള്ള
കൊൽക്കാരന്മാര എങ്കിലും കുമ്പഞ്ഞി സർക്കാരിലെ പെർക്ക ആയി വരികയെയുള്ളൂ.
അവര ഒക്കയും നമ്മുടെ ആളാകുന്ന എന്ന രാജാവർകൾ പറഞ്ഞാൽ അവര മാറ്റുകയും
ഇല്ല. അവര രാജാവർകളെ ആളായി വരികയും ഇല്ല എന്നുള്ളത രാജാവ അവർകൾക്ക
തന്നെ അറിയാമെല്ലൊ എന്ന താൻ പറഞ്ഞതിന്റെശിഷം രാജാവർകൾ പറഞ്ഞത
. എന്നാൽ നമുക്ക സ്വകാര്യമായിട്ടുള്ള കാര്യത്തിനും നമ്മുടെ കൃഷികൾ നടത്തുവാനും
ആളുകൾ വെണമെല്ലൊ. അതിന ഇവര തന്നെ എന്നും രാജാ അവർകൾ പറഞ്ഞാരെ
ഇപ്രകാരം സായ്പു അവർകളൊട ബൊധിപ്പിക്കട്ടൊ എന്ന ചൊതിച്ചാരെ ബൊധിപ്പിപ്പാ
നാകുന്ന നാം പറഞ്ഞത എന്ന രാജ അവർകൾ പറകയും ചെയ്തു. എന്നാൽ ഞാൻ
പഴയങ്ങാടിക്ക പൊകട്ടൊ എന്ന ചൊതിച്ചാരെ അച്ചുക്കണക്കപ്പിള്ളയും മൊഴൻ രാമനും
ചെറുകുന്നത്തെക്ക പൊയിരിക്കുന്നു. അവര വരുവൊളം താമസിക്കണമെന്ന രാജ
അവർകൾ പറഞ്ഞു. അവര വന്നാലും ഇപ്രകാരം തന്നെയെല്ലൊ കാര്യം എന്ന പറഞ്ഞാരെ
രാജ അവർകൾ പറഞ്ഞത സായ്പുമാര അവർകൾക്ക എത്രപ്രകാരം നാം ചെയ്യാൽ
പ്രസാദമായിവരുമെന്ന നാം ചൊതിച്ചാരെ സർക്കാരിലെ കല്പനപ്രകാരം കണക്കുകളും
കണക്കെഴുതുന്ന ആളുകളയും പ്രവൃത്തിക്കാരന്മാരയും കച്ചെരിയിൽ കൂട്ടിക്കൊണ്ട
പൊയി ആക്കി അച്ചുക്കണക്കപ്പിള്ളയിനെ കൂട കല്പിച്ച ആക്കി കണക്കുകൾ ഒക്കയും
ബൊധിപ്പിക്കണം.74ആമത മൂന്നാംഗഡുവിന്റെ ഉറുപ്യയും ബൊധിപ്പിക്കണം അതിന്റെ
ശെഷം വല്ല കാര്യത്തിനും അപെക്ഷിച്ചാൽ അതിന വഴിയുണ്ട.അത കൂടാതെ ഒരു
കാര്യം കൊണ്ട പറഞ്ഞാൽ അത സമ്മതമായി വരുമൊ എന്നുള്ളത രാജാ അവർകൾക്ക
തന്നെ അറിയാമെല്ലൊ എന്ന പറഞ്ഞ പൊരികയും ചെയ്തു. അകടെമ്പ 17 നു തുലാം 3
നു മഹാരാജശ്രീ സായ്പു അവർകളെ കല്പന ആയി രാജാവ അവർകൾക്ക ഒരു
കത്തും തന്നെ പറഞ്ഞയച്ചാരെ ആക്കത്തെ കൊണ്ടുപൊയി രാജാ അവർകളെ കയിൽ
ക്കൊടുത്ത സായ്പു അവർകൾ കല്പിച്ചപ്രകാരം പറഞ്ഞതിന്റെശെഷം രാജാ
അവർകൾ പറഞ്ഞത ഈക്കത്തിൽ രാജ്യം കുമ്പഞ്ഞിയിൽനിന്ന അന്വെഷിക്കുന്നത
നമുക്ക സമ്മതമെന്ന നാം മിനിഞ്ഞാന പറഞ്ഞ പ്രകാരം ഇതിൽ എഴുതി കാമാനുണ്ട.
