താൾ:39A8599.pdf/663

വിക്കിഗ്രന്ഥശാല സംരംഭത്തിൽ നിന്ന്
ഈ താളിൽ തെറ്റുതിരുത്തൽ വായന നടന്നിരിക്കുന്നു

തലശ്ശേരി രേഖകൾ 603

1288 K

1546-മത രാജശ്രീവടക്കെ അധികാരി ജിമിസ്സഇഷ്ടിവിൻ സായ്പു അവർകൾക്ക വിട്ടിലത്ത
രവിവർമ നരസിംഹ രാജാവ സലാം. എന്നാൽ കുമ്പഞ്ഞി സർക്കാരത്തിൽ നാം പലിശക്ക
കൊടുത്തിരിക്കുന്ന ദ്രവ്യത്തിന്റെ ഈ സംവത്സരത്തെ പലിശ കിട്ടുവാൻ കല്പന
ഉണ്ടാകയും വെണം. എല്ലാ കാരിയത്തിനും സായ്പു അവർകളെ മാതാപിതാ സമനന്ന
നാം ഭാവിക്കുന്നു. സായ്പു അവർകളെ താലൂക്കിൽ ഇരിക്കുന്നവരിൽ നാം എത്ത്രെയും
സാധു അത്രെ ആകുന്നു. അതുകൊണ്ട നാം നടക്കെണ്ടും ബുദ്ധി മാർഗ്ഗത്തിന കല്പന
ആക്കി നടത്തിക്കെണ്ടുന്ന ഭാരം സായ്പു അവർകൾക്ക അത്ത്രെ കൂടിയത. എന്നാൽ
സിദ്ധാരതി സംവത്സരത്തെ ഭാദർപ്പദം മാസം 18 നുക്കം സെത്തെമ്പ്ര 17 നു 75 മത കന്നി
മാസം 6 നു സെത്തെമ്പ്ര 19 നു കൊഴിലാണ്ടിയിൽ നിന്ന പെർപ്പാക്കിയത

1289 K

1547 മത രാജമാന്യ രാജശ്രീ വടക്കെ അധികാരി ജീമിസ്സ ഇഷ്ടിവിൻ സാഹെബ
അവർകൾക്ക കുമ്പളെ രാമന്തരസു രാജാവ സെലാം.എന്നാൽ മങ്ങലൂര താലൂക്കിക്ക
രാജശ്രീ മുണ്ടൊൽ സാഹെബ അവർകൾ വന്നിരിക്കുന്ന വർത്തമാനം തങ്ങൾക്ക
അറിവാൻ സങ്ങതിയും ഉണ്ടെല്ലെ. നമുക്ക ശീമ വെണമെങ്കിൽ മഹാരാജശ്രീ ജനരാൾ
ഹരീസ്സാഹെബര അവര സമീപത്ത പൊയാൽ നാട സമ്മതിച്ച തരുമെന്ന നമ്മുടെ
നാട്ടറ ഇത്തറക്ക ഹുഗ്മനാമം എഴുതി അയച്ചതുകൊണ്ട തങ്ങൾക്ക ഇ എഴുതിയത. നാം
തങ്ങളുടെ താലുക്കിൽ ഇരിക്കുമ്പൊൾ കല്പനകൂടാതെ പൊകരുതെല്ലൊ. മഹാരാജശ്രീ
ജനറാൾ ഹരീസ്സ സാഹെബ അവർകളുടെ പരിചയം നമുക്ക കുറെഞ്ഞതുകൊണ്ട
തങ്ങൾ നമെമ്മാട പൂർവണം ദയ ഉണ്ടായിട്ട നമ്മുടെ വശം ആയി വരുവാൻ ആക്കിക്കൊടു
ക്കുമാറാകെയും വെണം. അതല്ല എങ്കിൽ മഹാരാജശ്രീ കമിശനർ സാഹെബ അവർകൾ
മഹാരാജശ്രീ ജനറാൾ ഹാരിസ്സാഹെബ അവർകൾക്ക കത്ത എഴുതിതന്നാൽ അവരെ
സമീപത്തപൊയി നമ്മുടെ വർത്തമാനം അറിയിച്ചു വരാമെന്ന ഈ രണ്ട വിവരവും
തങ്ങളുടെ നിജാന്തഃക്കരണത്തിൽ വരുത്തി വിവരമായിട്ട കല്പന എഴുതി വരുമാറാകയും
വെണം. നാം പണ്ടുപണ്ടെ മുതൽ ബഹുമാനപ്പെട്ട ഇങ്കിരെസ്സ കുമ്പഞ്ഞി സംസ്ഥാനം
വിശ്വസിച്ചിരിക്കുന്ന വർത്തമാനം സായ്പു അവർകൾ അറിവാൻ സങ്ങതിയും ഉണ്ടല്ലൊ.
വിശ്വസിച്ചിരിക്കുന്ന നമ്മൊട കാരുണ്യസൃഷ്ടിവെച്ച നമ്മുടെ ശീമയിൽ നമ്മുടെ
വശത്തിൽ ആക്കിക്കൊടുത്ത ബഹുമാനപ്പെട്ട ഇങ്കിരസ്സ കുമ്പഞ്ഞി സംസ്ഥാനത്തി
ങ്കലെക്ക കീർത്തി വരുത്തിച്ചു കൊള്ളുമാറാകയുംവെണം. എന്നാൽ സിദ്ധാരതി
സംബത്സരത്തെ ഭാദർപ്പദം മാസം 13 നു ക്ക സെത്തെമ്പ്ര മാസം 12 നു എഴുതിയത. 75
മത കന്നിമാസം 6 നു ഇങ്കിരെസ്സ കൊല്ലം 1799 മത സെത്തെമ്പ്രെമാസം 19 നു
കൊഴിലാണ്ടിയിന്ന പെർപ്പാക്കിയത.

1290 K

1548 മതരാജശ്രീവടക്കെ അധികാരി ജീമിസ്സ സ്തിവിൻ സായ്പവർകൾക്ക വിട്ടലത്തെ
രവിവർമ്മ നരസിംഹരാജാവ സെലാം. നാം ബഹുമാനപ്പെട്ട കുമ്പഞ്ഞി അവർകളെ
വിശ്വസിച്ച ഢിപ്പുവൊട ശത്ത്രുത്ത്വം ആയി. ആയതുകൊണ്ട അർത്ഥവും പ്രാണവും
ഒഴിച്ച വളര സംബത്സരമായിട്ട കുമ്പഞ്ഞി ആശ്രയത്തിൽ ഇരുന്ന ഇപ്പൊൾ കുമ്പഞ്ഞി
ധർമ്മസംസ്ഥാനമാകകൊണ്ട ഢീപ്പുവിന ജയിച്ചു. അവന്റെ ദവിലത്ത പ്രാണങ്ങളൊടു
കൂട കുമ്പഞ്ഞിക്കത്ത്രെയുണ്ടായത. നമ്മുടെ ഒടയക്കാരരായിട്ട മഹാരാജശ്രീ കമീശനർ
സാഹെബ അവർകളും നമുക്ക മാതാപിതാ സമനായിരിക്കുന്ന തങ്ങൾക്കും എഴുതി

"https://ml.wikisource.org/w/index.php?title=താൾ:39A8599.pdf/663&oldid=201612" എന്ന താളിൽനിന്ന് ശേഖരിച്ചത്