താൾ:39A8599.pdf/662

വിക്കിഗ്രന്ഥശാല സംരംഭത്തിൽ നിന്ന്
ഈ താളിൽ തെറ്റുതിരുത്തൽ വായന നടന്നിരിക്കുന്നു

602 തലശ്ശേരി രേഖകൾ

പരമാനിക വായിച്ച അവസ്ഥ മനസ്സിലാകയും ചെയ്തു. അസ്താന്തര പണത്തിന്റെ കണക്ക
നൊക്കിയതിന്റെ ശെഷം കിഴക്കട പണം മുകന്തായരുത്തി വന്നത. ഇക്കൊല്ലത്തി
ലെക്കതന്നെ പാറവത്തിക്കാരന്മാർക്ക കണക്കവെച്ച കൊടുക്കകൊണ്ടല്ലൊ 6000 ത്തിൽ
ചില്ലാനം പണം എന്റെമെൽ അസ്ഥാനന്തരമായത. അപ്പണം കുറ്റികളിൽനിന്ന പിരിച്ച
അടക്കെണ്ടതിന്ന സന്നിധാനങ്ങളിലെ കൃപകടാക്ഷം ഉണ്ടായിവരികയും വെണമെല്ലൊ.
7000 ത്തിൽ ചില്ലാനം പണം നമുക്കുള്ളെ സൊന്ത നികിതിയിൽ പൂർവ്വാപൂർവ്വ
കാരണവന്മാര നടത്തി പൊരുന്ന അടിയന്തരമായിട്ടുള്ള ധർമങ്ങൾ നടത്തുകകൊണ്ടും
ദെവസ്സം ബ്രഹ്മസ്സ്വം ആയിട്ടുള്ള അടിയന്തരങ്ങൾ നടത്തുകക്കൊണ്ടും ശെഷം നമ്മുടെ
കുഞ്ഞെനും കുട്ടീന്റെയും നമ്മുടെയും ചെലവിനും അഴിഞ്ഞപൊകഅത്ത്രെ ആയത.
എനി ഒക്കയും സന്നിധാനങ്ങളിലെ കൃപകടാക്ഷം ഉണ്ടായിട്ട നെലയാക്കിരെക്ഷിച്ചു
കൊൾകയും വെണമെല്ലൊ. കൊല്ലം 974 മത ചിങ്ങം 23 നു എഴുതിയ്ത. 75 കന്നി 4 നു
ഇങ്കിരിയസ്സുകൊല്ലം 1799 മത സെത്തെമ്പ്രമാസം 17 നു കൊഴിലാണ്ടിയിൽ നിന്ന
പെർപ്പാക്കിയത.

1287 K

1545-മത രാജശ്രീ കൊട്ടെയത്ത മൂത്തരാജ അവർകൾക്ക രാജശ്രീ വടക്കെ അധികാരി
തലച്ചെരി തുക്കടി സുപ്രഡെണ്ടൻ ജെമിസ്സ ഇഷ്ടിവിൻ സായ്പു അവർകൾ സല്ലാം.
എന്നാൽ കൊട്ടെയത്തനിന്ന വരെണ്ടുന്ന ഒന്നാമതും രണ്ടാമതും ഗഡു ആയിട്ടുള്ള
സമയപ്രകാരം തന്നെ അറിയിച്ചു. ആയത ഉടനെ ബൊധിപ്പിക്കുമെന്ന ആഗ്രഹിച്ചതിന്റെ
ശെഷം ഇത്രപ്പൊഴും ബൊധിപ്പിച്ചിട്ടും ഇല്ലല്ലൊ. ഇപ്പൊൾ മൂന്നാംഗഡു കൊടുക്കെണ്ടും
സമയം കഴിഞ്ഞു പൊയത എങ്കിലും ഈ കൊല്ലത്തിലെ കണക്കിൽ എത്താൻ മുളക
അല്ലാതെ വിശെഷിച്ച എതും ബൊധിപ്പിച്ചിട്ടും ഇല്ലല്ലൊ. ഇതിനൊടുകൂട 73 മതിലെ
നിലുവ ബൊധിപ്പിക്കാതെയിരിക്കുന്നു. ബഹുമാനപ്പെട്ട കുമ്പഞ്ഞി സർക്കാരിൽ തങ്ങളെ
വഴിപൊലെ ബൊധിച്ച വിശ്വസിച്ച അവസ്ഥയിൽനിന്ന വളരെ വിത്യാസം കാണ്മാനുള്ള
സങ്ങതി ആയിരിക്കുകകൊണ്ട ഇതൊക്കയും നമുക്കവളര സങ്കടം തന്നെ ആകുന്നു.
ബഹുമാനപ്പെട്ട കുമ്പഞ്ഞി അവർകളുടെയും തങ്ങളുടെയും കാഠിന്ന്യമായിരിക്കുന്ന
ശത്ത്രു കഴിഞ്ഞ ടിപ്പു സുൽത്താൻ എന്നവർകളെ അമർത്തതിന ദുറായിട്ട നടപ്പാൻ
ഭാവിച്ചവർക്കും മുൻമ്പെ വിശ്വസിച്ച സഖായവും ആശ്രയവും ഇല്ലാതെ ആക്കിയതിന്റെ
ശെഷം തങ്ങളെപ്രയത്നങ്ങളാൽ കപ്പം ഒക്കയും ഒപ്പിച്ചവണ്ണം വരും എന്ന മെൽസംസ്ഥാന
ത്തിൽ ബൊധിച്ചപ്രകാരം അല്ലാതെകണ്ട കപ്പം വരാതെയിരിക്കുന്ന സങ്ങതി എന്തന്ന
എഴുതി അയക്കണമെന്ന നാം അറിഞ്ഞതുമില്ലല്ലൊ. പൊനം ചാർത്തെണ്ടുന്നതിന
തങ്ങൾ അയക്കുന്നരൊടുകൂട പണ്ടാരപെർക്ക കാനകൊവീനയും ഗുമാസ്തന്മാരയും
കല്പിച്ചയക്കയും ചെയ്യും. എന്നാൽ തങ്ങൾ മുൻമ്പെ അയച്ച ആളുകളെ ചെലവകൊണ്ട
അവര ചാർത്തിയ നികിതി എങ്കിലും കൊട്ടെത്തിൽനിന്ന വരെണ്ടുന്ന കപ്പത്തിൽ ഒരു
അമശം എങ്കിലും ഇത്തപ്പൊഴും ബൊധിപ്പിക്കാതെയിരിക്കുമ്പൊൾ ചിലവ എങ്ങിനെ
കൊടുത്ത കഴിയുമൊ ആയതിന കൊട്ടെത്തിലെ കപ്പം ബൊധിപ്പിച്ച ഉടനെ
ചാർത്തിയവർക്ക ചിലവ കൊടുപ്പാൻ തക്കവണ്ണം രാജശ്രീ കമീശനർ സായ്പുമാർ
അവർകളെ കല്പന ഉണ്ടാക്കുകയും ചെയും, ഇസമയത്ത കല്പനകൊണ്ട എഴുതി
അയച്ചാൽ തങ്ങളിൽനിന്ന വന്ന മുതൽ ഇത്ത്ര ആകുന്നു എന്ന അവർകൾനിന്ന നമ്മൊട
അന്ന്വെഷിക്കുമെല്ലൊ. അതുകൊണ്ട ആയതിനും ഇപ്പൊൾ എഴുതി അയച്ചുകൂട. ഈ
അവസ്ഥ ഒക്കയും വിചാരിക്കുമ്പൊൾ ബഹുമാനപ്പെട്ട കുമ്പഞ്ഞിക്ക കപ്പം ഉടെനെ
കൊടുക്കെണ്ടതിൽ ചെർച്ച ആകുന്നു എന്ന തങ്ങളെ പ്രധാന ബുദ്ധി തങ്ങൾക്ക
കാണപ്പെടും എന്ന നാം നിശ്ചയിച്ചിരിക്കുന്നു. അതിനുതന്നെ തങ്ങൾക്ക മാനം
അധികമായിട്ട വരികയും ചെയ്യുമെല്ലൊ. എന്നാൽ കൊല്ലം 975 മത കന്നിമാസം 4 നു
ഇങ്കിരിയസ്സകൊല്ലം 1799 മത സെത്തെമ്പ്രമാസം 17 നു കൊഴിലാണ്ടീൽ നിന്ന എഴുതിയത.

"https://ml.wikisource.org/w/index.php?title=താൾ:39A8599.pdf/662&oldid=201607" എന്ന താളിൽനിന്ന് ശേഖരിച്ചത്