തലശ്ശേരി രേഖകൾ 561
ആ വഹ ഒരു സംവത്സരത്തിന്റെ ഉറുപ്പ്യ 1200 രും കൂടി നമക്ക കൊടുത്തയക്കയും
വെണ്ടിയിരിക്കുന്നു. വിശെഷിച്ച ബെഹുമാനപ്പെട്ട കൊമ്പിഞ്ഞിപ്പാളിയത്തിനെ
വലുതായിട്ടുള്ള ജെയം ശ്രീരങ്കപട്ടണം പിടിച്ചു എന്നും ആ സമയം തങ്ങൾക്കും
ഹിന്തുജാതികൾ എല്ലാവർക്കും വലുതായിട്ടുള്ള മഹാശത്രുവായിരിക്കുന്ന ദെഹം
അപായം വന്നുവെന്നും തങ്ങൾ കെട്ടിട്ടുണ്ടായിരിക്കുമെല്ലൊ. ഇപ്രകാരം ബഹുമാനപ്പെട്ട
കൊമ്പിഞ്ഞിക്ക ഗുണമായിട്ടുള്ള വർത്തമാനം കൊമ്പിഞ്ഞിക്ക എത്രയും വിശ്വാസ
മായിരിക്കുന്ന തങ്ങൾക്ക വളര വളര സന്തൊഷം ഉണ്ടാകയും ചെയ‌്യുംമെല്ലൊ. വിശെഷിച്ച
ഈ പട ഹെതുവായിട്ട ബെഹുമാനപ്പെട്ട കൊമ്പിഞ്ഞിക്ക എത്രയും വളര ചിലവു
ഉണ്ടായിരിക്കുമെന്ന തങ്ങൾ അറിഞ്ഞിരിക്കുമെല്ലൊ. ആയതകൊണ്ട നിഗദി വഹയിൽ
ഉള്ളറുപ്പ്യ വരുത്തെണമെന്ന അപെക്ഷ ആകകൊണ്ട അവിടെ നിലുവ ഉള്ള ഉറുപ്പ്യ
ഇന്നപ്പൊൾ കൊടുത്തയക്കുമെന്നും ആയത തങ്ങൾ നമുക്ക എഴുതി അയക്കുമെന്നും
നാം വിശ്വസിച്ചിരിക്കുന്നു. ശെഷം ബഹുമാനപ്പെട്ട കൊമ്പിഞ്ഞിക്ക വരെണ്ടുന്ന മുളക
ഇപ്പൊൾ കൊടുത്തയപ്പാൻന്തക്കവണ്ണം തങ്ങൾ കൽപ്പിക്കയും വെണം. തങ്ങളുടെ
സുഖസംന്തൊഷത്തിനു കുടകുട അറിവാൻ നമക്ക വളര ആഗ്രഹമായിരിക്കുന്നു.
എന്നാൽ കൊല്ലം 974 മത എടവമാസം 8 നുക്ക 1799 മത മായു മാസ 19 നു എഴുതി
അയച്ചത.
1197 J
1455 മത മഹാരാജശ്രീ വടക്കെ അധികാരി സുപ്രിൻതെന്തെൻത്ത ജീമിസ്സ സ്തിവിൻ
സായ്പു അവർകളുടെ സന്നിധാനത്തിങ്കലെക്ക തലച്ചെരി ദെവരശ ഭണ്ടാരി,
സ്വൈരക്കമ്മത്തി, ലക്ഷ്മണശെണായി, കൃഷ്ണപ്രവു, ഗൊവിന്ദശെണായി ഈ
എല്ലാവരും കൂടി എഴുതിയ അരജി. എന്നാൽ ഇപ്പൊൾ വിട്ടലത്തെ ഹെഗ്ഗിടയും
മഞ്ചെശ്വരത്തിൽ പൊയിട്ട അവിട ഇരിക്കുന്ന ഞാങ്ങളെ ജാതിക്കാരക്ക കൌല കറാറു
നിശ്ചയിച്ച കൊടുത്തതുകൊണ്ട അവര വിശ്വസിച്ചിരിക്കുമ്പൊൾ ഈ വൈശാഖമാസം
13 നു വെള്ളിആഴച്ച ഈ മായു മാസം 17 നു തന്റെ ആള മാവള എന്നവന്റെകൂട
എതാൻ ആയുധക്കാരും കുലിക്കാരരെയും പറഞ്ഞയച്ചി ഞാങ്ങളെ ജാതിക്കാരരെ
ദെവസ്ഥാനത്ത ദെവമുർത്തിയും പൊന്നും ചെമ്പും ഒക്കെയും കവർന്നു ചെലെ
സാധുക്കളെ പെണ്ണുംപിളെള്ളനെയും പിടിച്ചുകൊണ്ടുപൊയി നടത്തിച്ച നിർമ്മരിയാതയും
അവിടയിരിക്കും ഞാങ്ങളെ ജാതിക്കാരര ഞാങ്ങൾക്ക എഴുതിയ കത്തു ഇതിന്റെകൂട
സന്നിധാനത്തിങ്കൽ ബൊധിപ്പിച്ചിരിക്കുന്ന. ആയത ഗ്രഹിക്കുമ്പൊൾ വിവരങ്ങൾ
ഒക്കയും അന്തകരണത്തിൽ ബൊധിക്കയും ചെയ‌്യും. അതുകൊണ്ട കൊമ്പിഞ്ഞി
സറക്കാരിൽനിന്ന ധർമ്മനീതി വിചാരിച്ചു വിസ്തരിച്ചി ദെവമുർത്തിയും വസ്തുമുതലും
ഒക്കെയും കൊടുക്കുവാൻതക്കവണ്ണം കൽപ്പന ആകയും വെണം. എന്നാൽ കൊല്ലം 974
മത എടവമാസം 9 നുക്ക മാസം 20 നു എഴുതിയ കർണ്ണാടകത്തിന്റെ പെർപ്പ എടവം 10
നു ഇങ്കിരിയസ്സ കൊല്ലം 1799 മത മായുമാസം 21 നു പെർപ്പാക്കിയത.
1198 J
1456 മത തലച്ചെരിയിൽ ഇരിക്കും ദെവരശൻ പണ്ടാരിക്കും സ്വൈരക്കമ്മത്തിക്കും
വെങ്കെശൈനായിക്കും നരസപ്പ്രവുവിനും ലക്ഷ്മണശെണായിക്കും ബാബയിലയിക്കും
ഈ എല്ലാവർക്കും കുബളെ പാസ്തെനും രായപ്പനും മഞ്ചെശ്വരത്തെ നാരായണഭക്ത
ലക്ഷ്മണനും കാഞ്ഞരൊട്ട അനന്തയനും മഹാലിത്തനും ആദിയായിട്ട എല്ലാവരും
നമസ്കാരം. എന്നാൽ കൊടകരാജാവ അവരെ അസഖ്യം നിമിത്തം വിട്ടലത്ത ഹെഗ്ഗിട
എതാൻ ആളുകളക്കൊണ്ടവന്ന കൊടകരാജാവിന ആശ്രയിച്ചി ചെലെ നാടുകൾ
