താൾ:39A8599.pdf/576

വിക്കിഗ്രന്ഥശാല സംരംഭത്തിൽ നിന്ന്
ഈ താളിൽ തെറ്റുതിരുത്തൽ വായന നടന്നിരിക്കുന്നു

516 തലശ്ശേരി രേഖകൾ

1124 J

1382 മത മഹാരാജശ്രീ വടക്കെ അധികാരി ഇഷ്ടിവിൻ സായ്പു അവർകൾക്ക
കയിതെരി അമ്പു സലാം. സായ്പു അവർകളെ മെലൂര വന്ന കണ്ടിട്ട
പൊന്നതിന്റെശെഷമുള്ള വർത്തമാനം സായിവ അവർകൾ പാർവ്വത്തിക്കാരൻന്മാരക്ക
എഴുതിയ കത്തും കൊടുത്തു ആള നിഷ്കരിഷ ആയിട്ട അയക്കുകയും ചെയ്തു. മുളക
തുക്കെണ്ടുന്നതിന കല്ലും തടയും ഒപ്പിച്ച വെങ്ങാട്ടും കൊട്ടെയത്തും ചട്ടമാക്കുകയും
ചെയ്തു. 29നു തിടങ്ങി മുളക തുക്കുകയും ചെയ്യുന്ന. 73 മതിലും 74 മതും പ്രവൃത്തികളിൽ
നിപ്പുള്ള മൊതല എടുക്കണം എന്നവെച്ച പാറവത്തിക്കാരൻമ്മാരക്കെ എഴുതി
ആളുകളയും ചട്ടമാക്കി അയച്ചിരിക്കുന്ന. ഇപ്പൊൾ ചൊരത്തിന്മീത്തല ചെലെ
വർത്തമാനങ്ങള ഉണ്ടായിട്ടും ഉണ്ട. ആയതിന്റെ സൂക്ഷം ആയിട്ട അറഞ്ഞി കാനഗൊവി
പാപ്പുരായരും ഞാനും കൂടി എഴുതി അയക്കയും ചെയ്യാം. എനി മെലാൽ നടന്ന വരെ
ണ്ടന്ന കാര്യത്തിന്ന സായിവ അവർകളെ കല്പനപ്രകാരം ഒക്കയും നടക്കുകയും ചെയ്യാം.
അസാരം ഒരു ഗുരുസെരി ഉള്ളത സായ്പു അവർകളൊട ഞാൻ പറഞ്ഞിരിക്കുന്നല്ലൊ.
ആയത സായ്പു അവർ കളെ കൃപയുണ്ടായിട്ട നല്ലവണ്ണം കഴികയും ചെയ്തു. ശെഷം
സായ്പ അവർകൾ പറഞ്ഞ വർത്തമാനം നമ്പൂതിരി ഇവിട വന്ന പറഞ്ഞി കെൾക്കയും
ചെയ്തു. സായ്പവറകൾ വടകരക്ക പൊന്ന എന്ന കെട്ടു. സായ്പ അവർകളെകൂടതന്നെ
പൊരുവാൻ നമ്പൂരിന പറഞ്ഞ അങ്ങൊട്ടയക്കയും ചെയ്തിരിക്കുന്ന. എന്നാൽ
തൊള്ളായിരത്ത എഴുവത്ത നാലാമത കുംഭമാസം 29 നു എഴുതിയത കുംഭം 30 നു
വടകര എത്തി. മീനം 1 നു ഇങ്കിരി യസ്സ കൊല്ലം 1799 മത മാർസ്സ മാസം 12 നു
പെർപ്പാക്കിയത. ഒല.

1125 J

1383 മത മലയാംപ്രവിശ്യയിൽ വടക്കെ അധികാരി ഇസ്ഥിവിൻ സായ്പു അവർകൾക്ക
കൊട്ടെയത്ത കെരളവർമ്മരാജാവ അവർകൾ സല്ലാം. ബൊമ്പായി ഗൌവണർ ഡെങ്കിൻ
സായിപ്പ അവർകളെ കത്തും ജനരാള സായിപ്പ അവർകളെ കത്തും കമിശനർ സായിപ്പ
മാരിൽ പ്രധാനം സ്പെൻസർ സായിപ്പ അവർകളെ കത്തും ഈ മാസം 18 നു ഇവിട
എത്തി. ആ കത്തുകളിൽ വർത്തമാനങ്ങളൊക്കെയും മനസ്സിലാകയും ചെയ്തു. സായിപ്പ
അവർകൾക്കും എഴുതി വന്നിട്ടുണ്ടായിരിക്കുമെല്ലൊ. കുമ്പഞ്ഞിഇന്ന നമുക്ക ഇക്കൊല്ലം
തരുവാനുള്ള ഉറുപ്പ്യ നമുക്ക തരുവാൻ തക്കവണ്ണം ഗെണർ സായിപ്പ അവർകളെയും
കമിശനർ സായിപ്പ അവർകളെയും കല്പന സായിപ്പ അവർകൾക്ക കൊടുത്തയച്ചി
രിക്കുന്ന എന്ന നമുക്ക എഴുതിവന്നിരിക്കുന്ന. ആയതകൊണ്ട ഉറുപ്പ്യക്ക ആള അങ്ങൊട്ട
അയച്ചിട്ടും ഉണ്ട. ആ ഉറപ്പ്യ ഗണപതിയാട്ട നമ്പ്യാര പക്കൽ കൊടുത്ത പുക്കവാറ
വാങ്ങികൊള്ളുകയും വെണം. എന്നാൽ ആ ഉറുപ്പ്യ നമുക്ക ബൊധിക്കയും ചെയ‌്യും.
ശെഷം കാര്യങ്ങൾ ഒക്കയും ഗണപതിയാട്ട നമ്പ്യാര പറകയും ചെയ്യും. എന്നാൽ കൊല്ലം
974 മത കുംഭമാസം 23 നു എഴുതിയത കുംഭം 30 നു വടകര എത്തി. മീനം 1 നു ഇങ്കി
രിയസ്സുകൊല്ലം 1799 മത മാർസ്സുമാസം 12 നു പെർപ്പാക്കിയത.

1126 J

1384 മത രാജശ്രീ കൊട്ടയത്ത റിചിസ്സൻ സായ്പു അവർകൾക്ക രാജശ്രീ പാലെയിലെ
വീരരാജ അവർകൾ സല്ലാം. കൊടുത്തയച്ച എഴുത്ത വായിച്ച മനസ്സിലാകയും ചെയ്തു.
പെണറായിയെ കുടിയാന്മാര കൊണ്ട എതാൻ ഉർപ്പ്യക്ക മുട്ടിച്ചു എന്നും കുടിയാന്മാര
ദ്രൊഹം ചെയ്തു എന്നും എല്ലൊ സായ്പു അവർകൾക്ക വർത്തമാനം എത്തിച്ചത.
ആയതിന്റെ പരമാർത്ഥത്തിന തങ്ങളുടെ സമീപത്ത എല്ലൊ ആകുന്നു. പെണറായി

"https://ml.wikisource.org/w/index.php?title=താൾ:39A8599.pdf/576&oldid=201405" എന്ന താളിൽനിന്ന് ശേഖരിച്ചത്