താൾ:39A8599.pdf/485

വിക്കിഗ്രന്ഥശാല സംരംഭത്തിൽ നിന്ന്
ഈ താളിൽ തെറ്റുതിരുത്തൽ വായന നടന്നിരിക്കുന്നു

തലശ്ശേരി രേഖകൾ 425

ഇരിക്കുന്നതെല്ലൊ ആകുന്ന. നാം വന്ന പാർത്ത വിചാരിച്ച തൊടങ്ങിയതിന്റെ ശെഷം
നാട്ടിൽ ഉള്ള നടപ്പും സങ്കടവും അറിയുന്നതിനെ സങ്കടം പറകയും ചെയ്ത പൊരുന്നതും
ഉണ്ട. നാം നിരുവിച്ച സാധിക്കുന്നതിനെ നാട്ടുന്ന നികിതി പിരിച്ചിട്ടും കടം വാങ്ങീട്ടും
നെര നടന്ന പൊരുകയും ചെയ്തു. നിരുവിച്ചാൽ നൃവാഹം ഇല്ലാതെ വന്നതിന നമ്മുടെ
നെരും സങ്കടവും പറവാൻ താമസം വരുത്തിയാൽ യെറ ദൊഷമ്മാഇ വരുമെന്ന ഭയ
ബുദ്ധി ഉണ്ടാകകൊണ്ട സങ്കടം അറീക്കയും ചെയ്തു. ദെയകടാക്ഷം ഉണ്ടായി സായപു
അവർകൾ കുറുമ്പ്രനാട്ട എത്തുകയും ചെയ്തു. ഇപ്പൊൾ കല്പന വന്ന ഉടനെ പാർപ്പ
ത്തിക്കാരൻന്മാരും മെനവൻമ്മാരും കണക്കും സന്നിധാനത്തിങ്കലെക്ക വരാൻ തക്കവണ്ണം
നാം നിഷ്കരിഷിച്ച എഴുതി അയക്കയും ചെയ്തു. നാം വരണ്ടുന്നതിന ഇ മിഥുനമാസം 11
നു കഴിവൊളം നമ്മുടെ ജാതകവശാൽ വളര കഷ്ടതകൊണ്ട അതിന ഉപശാന്തി
കർമ്മങ്ങളും ഭജനവും ഇവിടെ തുടങ്ങിയത. 11 നു സമർപ്പിച്ച 12 നു ഇവിടന്ന പുറപ്പെട്ട
സന്നിധാനത്തിങ്കലെക്ക വരുവാൻ കല്പന ഉണ്ടാഎങ്കിൽ കല്പനപ്രകാരം ആരംഭിച്ച
കർമ്മങ്ങൾക്ക വിഘ്നംകൂടാതെ ചെയ്തവരാഇരുന്ന അതിനകത്ത തന്നെ വരണമെന്ന
കല്പന എങ്കിൽ കല്പനപ്രകാരം ഇവിടന്ന പൊറപ്പെട്ട വരികയും ചെയ്യാം. നമ്മുടെ

കാരിയങ്ങൾ ഒക്കക്കും ദെയകടാക്ഷം ഉണ്ടാഇ രെക്ഷിച്ചുകൊള്ളുകയും വെണം. കൊല്ലം
973 ആമത എടവമാസം 28 നു എഴുതിയത. അന്നു തന്നെ വന്നത. എടവം 29 നു
ഇങ്കിരിയസ്സകൊല്ലം 1798 മത ജൂൻ മാസം 8 നു. 9 നു പെർപ്പാക്കി.

947 I

1097 ആമത മലയാംപ്രവിശ്യഇൽ അതത രാജാക്കന്മാരെ അവരവരുടെ സ്ഥാനത്ത
നൃത്തിധർമ്മാധർമ്മങ്ങളും നടത്തി വഴിപൊലെ രക്ഷിച്ചപൊരുന്ന മഹാരാജശ്രീ വടക്കെ
അധികാരി ഇഷ്ടിവിൻ സായ്പു അവർകളെ സന്നിധാനങ്ങളിലെക്ക അമഞ്ഞാട്ട നായര
സലാം, കൊടുത്തയച്ച ബുദ്ധി പരമാനിക വാഇച്ച അവസ്ഥ മനസ്സിലാകയും ചെയ്തു.
രണ്ടാമത ഗഡുവിന്റെ ഉറുപ്പിക തന്നതിന്റെശെഷം തെകച്ച കൊടുത്തയക്കണ
മെന്നല്ലൊ ഇങ്ങൊട്ട എഴുതിയ ബുദ്ധിപരമാനികഇൽ ആകുന്നു. മുതൽ ഗഡുവി
ന്റെയും രണ്ടാം ഗഡുവിനുംകൂടി കുത്താളിനിന്ന ഇവിടെ അയ്യായിരത്തിൽ ചില്ലാനം
പണം ഇവിടെ ബൊധിപ്പിപ്പാൻ ഉണ്ടാക്കൊണ്ട ആയവസ്ഥ കൊഴിക്കൊട്ടെക്ക എഴുതി
അയച്ചതിന്റെശെഷം കൊഴിക്കൊട്ടന്ന കുത്താട്ടിൽ നായരക്ക പരമാനികം അപ്പണ
ത്തിന്ന എഴുതി അയച്ചിരിക്കുന്ന. അതകഴിച്ച രണ്ടാം ഗഡുവിന ബൊധിപ്പിക്കെണ്ടും
പണം താമസിയാതെ സന്നിധാനങ്ങളിൽ കൊടുത്തയക്കുന്നതും ഉണ്ട. മെടമാസം 22
നു തന്നെ പതിനായിരം പണം കൊഴിക്കൊട്ടെക്ക അടച്ച രശീതി വാങ്ങിട്ടും ഉണ്ട.
എന്നാൽ കാരിയത്തിന്നും സന്നിധാനങ്ങളിലെ കൃപകടാക്ഷം ഉണ്ടാഇട്ട രക്ഷിച്ച
കൊള്ളുകയും വെണം. എന്നാൽ കൊല്ലം 973 ആമത എടവമാസം 29 നു ഇങ്കിരിയസ്സ
കൊല്ലം 1798 ആമത് ജൂൻ മാസം 9 നു പത്താന്തീയതി പെർപ്പാക്കി കൊടുത്തത.

948 I

1098 ആമത ബഹുമാനപ്പെട്ട ഇങ്കിരിയസ്സ കൊമ്പിഞ്ഞിഉടെ കല്പനക്ക വടക്കെ
മുഖം തലച്ചെരി തുക്കടിഇൽ അധികാരി രാജശ്രീ മെസ്ഥർ ഇഷ്ടിവിൻ സായ്പു
അവർകൾക്ക കൂത്താട്ടിൽ നായര സലാം. എഴുതി അയച്ച കത്തു വാഇച്ച വർത്തമാനം
മനസ്സിലാകയും ചെയ്തു. രണ്ടാം ഗഡുവിന്റെ അവസ്ഥകൊണ്ട എല്ലൊ എഴുതി
അയച്ചതാകുന്ന. രണ്ടാം ഗഡുവിന്റെ പണം ഇവിട തീർന്ന പണവും കൊടുത്ത
എതാനും പണം പൊരാതെ പൊയതകൊണ്ട കാപ്പട്ട താഴെ പുരഇൽ പക്കുറുക്കുട്ടിയൊട
വാങ്ങി അവിടെ ബൊധി പ്പിപ്പാൻ തക്കവണ്ണം ആള അയച്ചിട്ടും ഉണ്ട. ശെഷം പണം

"https://ml.wikisource.org/w/index.php?title=താൾ:39A8599.pdf/485&oldid=201217" എന്ന താളിൽനിന്ന് ശേഖരിച്ചത്