തലശ്ശേരി രേഖകൾ 415
മൂപ്പൻ എഴുതികൊടുത്തെ മാപ്പളമാരെക്കൊള്ളെ ആളെ അയച്ചി മുട്ടിച്ചാറെ
ആത്തറ ഇന്നതന്നെ നമ്പരുടെ ഭവനം പുതുക്കിടിയെതും തെക്കെ പുതുകുടിയെ
പീടികയും നടുവത്തലത്തെ പിടികയും ചുടുകയും ചെയ്തു. കച്ചെരിക്ക ആരും പൊയതും
ഇല്ല. പറമ്പറത്ത കാവിൽ തറഇൽ കുണിയത്തുര പണിക്കരെടെ കരുമാര ചെക്കനെ
ആത്തറക്കാരൻ ചെറക്കൽ പറമ്പത്ത മമ്മിപിടിച്ച എറാട്ടുകരെ കൊടിയത്തുര
കൊണ്ടുപൊഇ വിറ്റത. സ്വാമി അവർകള മമ്മിനി പിടിച്ച കരുമാന വരുത്തി കരുമാനെ
പണിക്കർക്ക കൊടുക്കയും ചെയ്തു. അമ്മാസത്തിൽ തന്നെ കൊടുവൊള്ളി ചുള്ളി
കലന്തൻ കുറുമ്പനാട്ട മടവൂര മൊടയാനിക്കണാരെൻ തീയ്യനെ പാർത്ത ഇരുന്ന
വടിവെച്ച കൊല്ലുകയും ചെയ്തു. നാട്ടിൽ പണം പിരിപ്പാൻ നിന്ന പ്രയത്നം ചെയ്തിരുന്നെ
ശിപ്പാഇ കൊഴിക്കൊട്ടക്ക പൊകുമ്പൊൾ കൊടുവള്ളി തറഇൽനിന്ന ചുള്ളിയിൽ
കലന്തൻ അവന്റെ കഇൽ ഉള്ളെ വാളും പണ്ടങ്ങളും പിടിച്ചുപറിക്കയും ചെയ്തു.
കൊടയത്തുര തറഇൽ പണം പൊയ വാലിയ ക്കാരന്റെ തൊക്ക പിടിച്ചു കൊണ്ടു
മണ്ടിക്കളകയും ചെയ്തു. ആ മാസത്തിൽ തന്നെ കുറുത്താളൂ തറഇൽ അത്തിക്കൊടൻ
ഉണിക്കൊരൻ നായരുടെ പൂപ്പറമ്പിലെ പുരയും ചുട്ട രണ്ടു മൂരീനയും രണ്ടു
ചെറുമക്കെളയും പിടിച്ചുകൊണ്ട പൊകുംവഴിക്ക കടയത്തുര ത്തറഇൽ കരിങ്ങൻപുറത്ത
കണാരൻ നായെരെടെ ചെറമനെ വെടിവെച്ച കൊന്നെച്ച പൊകയും ചെയ്തു.
കുമ്പമാസത്തിൽ ലാവനുർത്തറയിന്ന തെയുറമ്പാടി കുറുപ്പൻമ്മാരൊട പിടിച്ച പറിച്ച
കൊണ്ടു പൊകയും ചെയ്തു. പിന്നയും സാധുക്കൾ പെരുവഴി പൊക്കരൊടും
ബ്രാഹ്മണരൊടും മൂരി കെട്ടുകയും കക്കുകയും എറ്റംനെയറ്റം ഉണ്ടായ സങ്കടത്തിന്ന
സ്വാമി അവർകളെ അറിഇച്ച സങ്കടം പറഞ്ഞ പാർത്തതിന്റെ ശെഷം സ്വാമി അവർകളും
എതാനും ആളുംകൂട കെടയത്തുര വന്ന പാർത്ത ഞങ്ങളെ യെല്ലാവരെയും മാപ്പിളമാരെ
യും വരുത്തി ഉണ്ടായതിന്റെ ശൊദ്യ ഉത്തരം ചെയ്യുകൊണ്ടിരിക്കുമ്പൊൾ തലവതമണ്ണ
പെരുര നമ്പുരീന്റെ ഇല്ലം അടച്ചികെട്ടി ചുട്ട. കെടയത്തൂരൂം കരുവൻപൊയിന്നും
മാനിപുരത്തിനിന്നും കാളരാതിനിന്നും വെളിമണിനിന്നും പുത്തുരനിന്നും ഇ 6
തറഇൽ നിന്നു കൂട പത്ത അമ്പത കുടിക്കാര കുഞ്ഞനും കൂടടീനയും വാങ്ങിച്ച രാക്കുറ്റിൽ
എറാട്ടകരക്ക പൊക ആയത. അതിനറെ മൂന്നാം ദിവസം പൊങ്ങട്ടൂര ദെവസ്സത്തിൽ
വെളിയൻമാടം ചുടുകയും ചെയ്തു. ആ വർത്തമാനം ഒക്കയും കണ്ടതിന്റെ ശെഷം
താമരശ്ശെരി അടിയന്തര ഉൽസ്സവം അടിയന്തരം കഴിപ്പിക്കെണ്ടുന്നതിനാഇട്ട സ്വാമി
അവർകൾ കെടവൂർക്ക വന്നതിന്റെ ശെഷം ചൊക്കുരത്തഇൽ വെളിയണ്ണ മൂസ്സതിന്റെ
അകത്തുട അടച്ചികെട്ടി ചുടുകയും ചെയ്തു. മീനമാസത്തിൽ കരുവാൻ പൊയിൽ
കൊഴച്ചിലുണ്ടൽ ഉണിക്കൊരൻ നായരുടെ വീടു ചുടുകയും ചെയ്തു. അതിനറെ പിറ്റെന്ന
കൊടുവള്ളി ചാവടി ചുടുകയും ചെയ്തു. അതിനറെ മൂന്നാം ദിവസം പുതുപ്പാടി ചുങ്കത്ത
ശിപ്പായീനെ വെട്ടിക്കൊന്ന അവന്റെ പക്കൽ ഉള്ളത് ഒക്കയും കൊണ്ടുപൊകയും
ചെയ്തു. ഇത ഒക്കയും പുത്തുര തറഇന്ന തമ്പലങ്ങാട്ട വരികയും പാലയാട്ട കുട്ടുറെയും
വളക്കാരൻ സെഇതുവും പാണ്ടി എറനാട്ടുകര മപ്പുറത്ത തറഇൽ പാർക്കും അവര
ആകുന്ന എന്ന ഈ നാട്ടുകാര മാപ്പളമാര പറകയാകുന്ന. ഇല്ലങ്ങൾ അടച്ചി കെട്ടിചുട്ടത
കണ്ടിതിന്റെ ശെഷം ബ്രാഹ്മണരുടെ കുഞ്ഞനും കുട്ടീനയും ഭയപ്പെട്ട വാങ്ങിച്ച
പാർക്കുന്ന. ഇങ്ങിനെ ഒരൊരൊ ഉപദ്രവങ്ങൾ ദിവസം ദിവസം ചെയ്യന്നത
അനുഭവിച്ചു കെടന്ന പൊയാൽ കഴിവാൻ ആധാരം ഇല്ലായ്ക കൊണ്ട സങ്കടത്തൊടുകൂട
പാർക്ക ആകുന്ന. അവിടെ ഞങ്ങളെ കുഞ്ഞനും കുട്ടീനയും നിർത്തി രെക്ഷിച്ച ധർമ്മം
നടത്തിക്ക വെണ്ടി ഇരിക്കുന്നു. അതിനായിട്ട ഞങ്ങളെ അപെക്ഷിച്ചിരിക്കുന്നു. 973 ആമത
മീനമാസം 16 നു എഴുതിയത. കവാടസ്സായ്പു തന്നത. എടവ മാസം 24 നു ജൂലായി
മാസം 4 നു കൊല്ലം 1798 ആമത തന്ന ഒല 2.
