താൾ:39A8599.pdf/422

വിക്കിഗ്രന്ഥശാല സംരംഭത്തിൽ നിന്ന്
ഈ താളിൽ തെറ്റുതിരുത്തൽ വായന നടന്നിരിക്കുന്നു

362 തലശ്ശേരി രേഖകൾ

ആളുകൾക്ക കാണിച്ചുകൊടുക്കും മ്പൊൾ അവർ അവന് പിടിച്ചാരെ താൻ ഉടനെ
തലച്ചെരിയിൽ കുട്ടി അയക്കുകെഴും വെണം. എന്നാൽ കൊല്ലം 973 ആ‍മത കുംഭമാസം
30 നു എഴുതിയത.

830 I

985 ആ‍മത രാജശ്രി വടക്കെ അധികാരി തലച്ചെരി തുക്കടി സുപ്രഡെണ്ടെൻ
കൃസ്തപ്പർ പിലി സായ്പു അവർകൾക്ക കടത്തനാട്ട പൊർള്ളാതിരി ഉദയവർമ്മ രാജ
അവർകൾ സെലാം. എന്നാൽ കൊല്ലം 973 ആ‍മതതിലെ ഒന്നാം ഗഡുവിന്റെ പണം
നമ്മുടെ കൃഷ്ണന്റെ വശം കൊടുത്തയച്ചിരിക്കുന്നു. മുമ്പിൽ രണ്ട പ്രവിശ്യമായിട്ട
സർക്കാരിൽ പുക്കിയ ഉറുപ്പ്യ 33000 വക ആക്കുടി 35000 ഉറുപ്പ്യക്ക ഒരു രെശിതി ആയിട്ട
തന്നെ കൊടുത്തയക്കയും വെണം. എന്നാൽ കൊല്ലം 973 ആ‍മത കുംഭമാസം 30 നു
എഴുതിയ കത്ത മിനം 1 നു ഇങ്കരിയസ്സ കൊല്ലം 1798 ആ‍മത മാർച്ചിമാസം 11 നു വന്നത.

831 I

985 ആ‍മത മഹാരാജശ്രി വടക്കെ അധികാരി തലച്ചെരി തുക്കടി സുപ്രഡെണ്ടെൻ
കൃസ്തപ്പർ പിലി സായ്പു അവർകളെ സന്നിധാനത്തിങ്കലെക്ക പൈയ്യനാട്ടുകരെയും
പയ്യൊർമലെയും ദൊറൊഗ കുഞ്ഞാൻ മൂപ്പൻ സെലാം. സായ്പു അവർകളെ കല്പന
വന്ന ഉടനെ തന്നെ അളെ അയച്ചു സായ്തിതകാറാ നാലാളയും കുട്ടി ശിപ്പായിന്റെ ഒക്ക
സായ്പു അവർകളെ സന്നിധാനത്തിങ്കലെക്കു കുട്ടി അയച്ചിറ്റും ഉണ്ട. ശെഷം ആ
ചെറിയ പെരച്ചെൽ ചെക്കൻ തലച്ചെരിക്ക പൊയിരിക്കുന്നു എന്ന അവന അവിടന്ന
വിളിച്ചൊളാ എന്നും ശെഷം സായിതകാര പറകയും ചെയ്യും. എന്നാൽ യിനി ഒക്ക
സായ്പു അവർകളെ കല്പനപ്രകാരം നടക്കുന്നതും ഉണ്ട. എന്നാൽ കൊല്ലം 973 ആമത
മിനമാസം 1 നു ഇങ്കരിയസ്സകൊല്ലം 1798 ആ‍മത മാർച്ചി മാസം 12 നു എഴുതി വന്നത.

832 I

987 ആ‍മത മഹാരാജശ്രി വടക്കെ അധികാരി തലച്ചെരി തുക്കടി സുപ്രഡെണ്ടെൻ
കൃസ്തപ്പർ പിലി സായ്പു അവർകൾക്ക രാജശ്രി കുറുമ്പ്രനാട്ട വിരവർമ്മരാജ അവർകൾ
സലാം, കല്പന ആയി വന്ന കത്ത വായിച്ച മനസ്സിൽ ആകയും ചെയ്തു. കുംഭമാസം 27 നു
നാം തമരച്ചെരിയിൽ വന്ന കുടിയാന്മാരു വരുവാൻ അള അയച്ചതിന്റെ ശെഷം
നായിന്മാരിൽ ചിലരും മാപ്പളമാരിൽ ചിലരു വന്ന അവരൊട നികിതി ചൊതിച്ചാരെ
ഞങ്ങൾക്ക നാട്ടി കുടിയിരുന്നിട്ട പ്പൊറുതി ഇല്ലന്ന നായിമ്മാർ സങ്കടം പറയുംന്ന.
പെരുന്നാൾ കഴിഞ്ഞാൽ നികിതി തരാമെന്ന മപ്പളമാരു പറയുന്ന വർത്തമാനം ദൊറൊഗ
ഇരിക്കുന്നെടത്ത എഴുതി അയപ്പിച്ചാരെ മറുപടി വന്നത ഇതിനൊട കുട
കൊടുത്തയച്ചിരിക്കുന്നു. പെരുന്നാൾ കഴിയ്യതെ ഒരു കച്ചൊടക്കാരനൊട കടം
ചൊതിപ്പാനും ഉപായമില്ലാതെ വന്നിരിക്കുന്നു. നാട്ടന്ന കുട്ടുന്ന നികിതി വാങ്ങിട്ടും
പൊരാതെ വന്നുവെങ്കിൽ കടം വാങ്ങിട്ടും ഒന്നാഗഡു ഉറുപ്പ്യ ഈ മിനമാസം 25 നു
ബൊധിപ്പിക്കയും ചെയ്യാം. ദൊറൊഗ താമരശ്ശെരി എത്തിയതിന്റെ ശെഷം രണ്ട ഇല്ലം
ചുട്ടതിന്റെ ശിക്ഷ ഇത്രനെരം ഉണ്ടായതും ഇല്ല. സായ്പുമാര ഒരുത്തര എത്തി
വിസ്തരിച്ചാൽ നാട്ടിൽ കുടികൾക്ക പൊറുതി ഉണ്ടാകുമൊ എന്ന തൊന്നുന്ന. എനി
ഒക്കയും കല്പനപൊലെ നടക്കാ. എന്നാൽ കൊല്ലം 973 ആ‍മത കുംഭമാസം 30 നു
ഇങ്കരിയസ്സ കൊല്ലം 1798 ആ‍മത മാർച്ചിമാസം 12 നു പെർപ്പാക്കി കൊടുത്തത.

833 I

988 ആ‍മത മഹാരാജശ്രീ വടക്കെ അധികാരി തലച്ചെരി തുക്കടി സുപ്രഡെണ്ടെൻ

"https://ml.wikisource.org/w/index.php?title=താൾ:39A8599.pdf/422&oldid=201083" എന്ന താളിൽനിന്ന് ശേഖരിച്ചത്