താൾ:39A8599.pdf/390

വിക്കിഗ്രന്ഥശാല സംരംഭത്തിൽ നിന്ന്
ഈ താളിൽ തെറ്റുതിരുത്തൽ വായന നടന്നിരിക്കുന്നു

330 തലശ്ശേരി രേഖകൾ

യെണിഇട്ട പുരപ്പുറത്ത കയറി. അന്നെരത്തെ അതിന്റെ വടെക്കഇൽനിന്ന ഉക്കുളാട
ത്തെ കുഞ്ഞുണ്ണിയും കൊദൊളി കുഞ്ഞമ്മൊനുംകൂടി പാഞ്ഞി വന്ന ഉണ്ണിരാരെന്റെ
അനുജൻ ചാത്തപ്പൻ തീയ്യനും പാഞ്ഞിവന്ന.അന്നെരത്ത കരുവാണ്ടിഇൽ ചാത്തപ്പെനും
പൊഇലിൽ ചൊഇയും പാഞ്ഞി അവരും അവിടെ വന്ന ചാത്തപ്പനും ചൊഇയും
കുഞ്ഞുണ്ണിയും കുഞ്ഞമ്മനും. പുരപ്പുറത്തെ കയറി തീ കെടുക്കും മ്പൊൾ പുരഇന്റെ
അകത്തിന്ന ഉണ്ണിരെൻ വിളിച്ചു പറെഞ്ഞു. തലമുറിയമ്മാരെ പുരപ്പെറത്തിന്ന കിഴിഞ്ഞി
പൊഇക്കൊള്ളുവിൻ എന്ന പറെഞ്ഞി കുന്തം കൊണ്ട ഒരു കുത്ത കൊടുത്തത. അവന്റെ
അനുജൻ മന്നെന കൊണ്ടാറെ കുഞ്ഞുണ്ണിയൊട പറെഞ്ഞു. എന്ന ഇതിന്റെ അകത്തിന്ന
കുത്തി എന്ന പറെഞ്ഞു. അവൻ താഴത്തു വീഴുകയും ചെയ്തു. അന്നെരത്ത
കുഞ്ഞുണ്ണിനയും കുന്തംകൊണ്ട ഒന്നു നീട്ടീടുകയും ചെയ്തു. അന്നെരത്ത കുഞ്ഞുണ്ണി
പറെഞ്ഞ തീകെടുക്കുന്നതിനല്ലെ ഉണ്ണിരാൻ തന്നെ കുത്തുന്നത എന്ന പറെഞ്ഞ അവർ
കിഴിഞ്ഞി പൊരുകയും ചെയ്തു. ആ സമയത്ത ഉണ്ണിരാരെന്റെ അനുജൻ ചാത്തപ്പൻ
ഒലക്കകൊണ്ടും കല്ലകൊണ്ടും ഒരു കൊൽകൊണ്ടും കൂടി വാതിൽ കുത്തിപ്പൊളിച്ചാരെ
ഉണ്ണിരെൻ കുന്തവുമാഇക്കൊണ്ട പുറത്ത ചാടി വന്നു. പാഞ്ഞിവന്ന ചാത്തപ്പനെന്ന
ഉണ്ണിരാരെന്റെ അളിയന ഉണ്ണിരെൻ തന്നെ ഒന്ന കുത്തി എന്ന ചാത്തപ്പൻ പറെകയും
ചെയ്തു. അവിടുന്ന ചാത്തപ്പൻ പാഞ്ഞു കൊണിക്കൽ വരും മ്പൊൾ ഉണ്ണിരാരെന്റെ
അനുജൻ കൊരെനെന്ന തീയ്യ്യൻ വാളകൊണ്ട ഒന്ന കൊത്തി. മന്നെനെന്നവൻ
പൊരമ്മെൽ ഇരുന്ന കുത്തുകൊണ്ടവൻചാത്തപ്പന്റെ കുടുമ്മ പിടിച്ച വെക്കയും ചെയ്തു.
അന്നെരം ഉണ്ണിരന്റെ മരുമകൻ കണ്ണൻ ഒലക്കകൊണ്ട ചാത്തനയും ഇച്ചത്ത
തീയ്യത്തിന്റെ അനുജത്തി കുട്ടിച്ചനയും അവളെ അനുജത്തി ഒരു തീയ്യ്യത്തിനയും ഇ
മൂന്നാളയും കണ്ണൻ ഒലക്കകൊണ്ട തച്ചിരിക്കുന്ന. അതിൽ കുട്ടിച്ചി എന്ന പറെയുന്ന
തീയ്യ്യത്തി ചത്തുപൊകുമെന്ന തൊന്നുന്ന. ഉണ്ണിര എന്ന പറയുന്ന ഒരു കുട്ടിക്ക ചത്ത
നീലിയിന്റെ കുട്ടി അത പൊരക്ക അകത്തിന്ന ചത്തുപൊകയും ചെയ്തു. എന്നാരെ
ഉണ്ണിരനൊട ചൊതിച്ചാരെ ഉണ്ണിരൻ പറെഞ്ഞു എനിക്ക എന്റെ തിയ്യത്തിയൊടും
മക്കളൊടും നല്ല കൂറാ ഇരുന്നു എന്ന. ഇത എങ്ങിനെ വന്നുവെന്ന എനിക്ക കവർ ഇല്ല.
ഉണ്ണിരന്റെ പള്ളക്ക ഒരു കുത്തും ഉണ്ട. ഇത ഒക്ക എതുപ്രകാരം വന്നുവെന്ന എനിക്ക
നല്ല ധാരണയുമില്ല. പിന്ന ആർ എന്നും ചെയ്തപൊയെന്നും എന്റെ കഇയിനതന്നെ
വന്നു പൊയെന്നും എനക്ക ഒന്നും അറിഞ്ഞുകൂടാ എന്നത്രെ ഉണ്ണിരൻ പറെഞ്ഞത.
ശെഷം അവന്റെ അവസ്ഥ ഒരു മുന്ന മാസം പൊരും അവന സ്വൊഇരക്കെട
മുൻമ്പിലെത്തെ ബുദ്ധിഇൽ അസാരം യെണക്കം ഉണ്ടെന്ന പലരും പറെഞ്ഞി
കെൾക്കുന്ന. ശെഷം അവന്ന ദീനം വരുന്നതിന്റെ മുൻമ്പെ അസാരം കണ്ടവും പറമ്പും
കൊത്തി അടക്കിയതിനാൽ കഴിക്കുന്നവൻ തന്നെ ആകുന്നത. ശെഷം ഉണ്ണിരന്റെ
മരുമകൻ കണ്ണൻ എന്നവൻ ഒലക്കകൊണ്ട തച്ചവന കിട്ടിയിട്ടും ഇല്ല. അവന തെരഞ്ഞി
അയച്ചിട്ടും ഉണ്ട. അവനെ കിട്ടിയാൽ ഒട്ടും പാർക്കാതെ കൊടുത്തയക്കുന്നതും ഉണ്ട.
ശെഷം കുത്തും കൊത്തും കൊണ്ട ചാത്തപ്പൻ എന്ന പറെയുന്നവനെ നടന്നുകൂടാ.
അവനെ കച്ചെരിഇന്റെ സമീപത്ത തന്നെ ഒരു വിദ്യക്കാരെന്റെ അവിട ആക്കി മുറി
കെട്ടിച്ചിരിക്കുന്ന. അസാരം ഒരു ഗുണം ആയാൽ അപ്പഴെ കൂട്ടി അയക്കുന്നതും ഉണ്ട.
ശെഷം അന്നെരം അവിടെ പാഞ്ഞി ചെന്ന ആള്ളക്കയും അണ്ടൊട്ട കൂട്ടി അയച്ചത.
ഇക്കാർയ്യം വിസ്തരിക്കും മ്പൊൾ അവർ ഒക്ക വെണമെല്ലൊ എന്ന വെച്ചിട്ട അത്രെ കൂട്ടി
അയച്ചത. ശെഷം കുഞ്ഞുണ്ണിയും മറ്റ ഒക്ക പാഞ്ഞി പൊകുന്നെരം വെറെ നായിമ്മാരും
അമ്മമാരും ഒക്കെ അവർ ഒറങ്ങുന്നെരത്ത തീകണ്ടാരെ വിളിച്ച അയച്ചിട്ട അത്ത്രെ അവർ
പൊയത എന്ന ആ സമിപത്ത ഉള്ള അവരൊട അന്നഷിച്ചാരെ അറിഞ്ഞിരിക്കുന്ന.
യെനി ഒക്കയും അവിടുന്ന വിസ്തരിച്ചാൽ അറികയും ചെയ്യാമെല്ലൊ. എന്നാൽ കൊല്ലം
973 മത മകരമാസം 15 നു ഇങ്കിരിയസ്സ കൊല്ലം 1798 മത ജനവരി മാസം 25 നു വന്ന
ഒലന്റെ പെർപ്പ.

"https://ml.wikisource.org/w/index.php?title=താൾ:39A8599.pdf/390&oldid=201011" എന്ന താളിൽനിന്ന് ശേഖരിച്ചത്