ജനറൽ എഡിറ്റർ: ഡോ സ്കറിയാ സക്കറിയ (ജ. 1947). കേരള
സർവകലാശാലയിൽനിന്നു മലയാളഭാഷയിലും
സാഹിത്യത്തിലും ഫസ്റ്റ്ക്ലാസോടെ മാസ്റ്റർ
ബിരുദം, പ്രാചീന മലയാള ഗദ്യത്തിന്റെ വ്യാകരണ
വിശകലനത്തിന് ഡോക്ടറേറ്റ്. ചങ്ങനാശ്ശേരി സെന്റ്
ബർക്ക്മാൻസ് കോളജിലെ മലയാള വിഭാഗത്തിൽ
അധ്യാപകൻ. 1986-ൽ ട്യൂബിങ്ങനിലെ ഗുണ്ടർട്ട്
ഗ്രന്ഥശേഖരം വേർതിരിച്ചറിഞ്ഞു. 1990-91-ൽ
അലക്സ്സാണ്ടർ ഫൊൺ ഹുംബോൾട്ട് ഫെലോ എന്ന
നിലയിൽ ജർമ്മനിയിലെയും സ്വിറ്റ്സർലണ്ടിലെയും
ലൈബ്രറികളിലും രേഖാലയങ്ങളിലും നടത്തിയ
ഗവേഷണ പഠനത്തിന്റെ വെളിച്ചത്തിൽ, ഡോ
ആൽബ്രഷ്‌ട് ഫ്രൻസുമായി സഹകരിച്ച ഹെർമൻ
ഗുണ്ടർട്ട് ഗ്രന്ഥപരമ്പരയിൽ ആറുവാല്യമായി എട്ടു
പുസ്തകം പ്രസിദ്ധീകരിച്ചു. 1993-ൽ ജർമ്മൻ അക്കാദമിക്
വിനിമയ പരിപാടിയുടെ (DAAD) ഭാഗമായി
ട്യൂബിങ്ങൻ സർവകലാശാലയിൽ നടത്തിയ ഹ്രസ്വ
ഗവേഷണത്തിനിടയിൽ കൈയെഴുത്തു ഗ്രന്ഥപരമ്പര
ആസൂത്രണം ചെയ്തു. പാഠനിരൂപണം,സാഹിത്യപഠനം,
സാമൂഹിക സാംസ്കാരിക ചരിത്രം, ജീവചരിത്രം,
എഡിറ്റിംഗ്,തർജമ,വ്യാകരണം, നവീന ഭാഷാശാസ്ത്രം,
ഫോക്‌ലോർ എന്നീ ഇനങ്ങളിലായി ഇരുപത്തഞ്ചോളം
പുസ്തകങ്ങളും പ്രബന്ധങ്ങളും മലയാളം, ഇംഗ്ലീഷ്,
ജർമ്മൻ ഭാഷകളിൽ പ്രസിദ്ധീകരിച്ചിട്ടുണ്ട്.
വിലാസം: കരിക്കമ്പള്ളി, ചങ്ങനാശ്ശേരി - 686 102
എഡിറ്റർ. ജോസഫ് സ്കറിയ (ജ. 1969) മഹാത്മാഗാന്ധി
സർവകലാശാലയിൽനിന്ന് ഇക്കണോമിക്സിൽ
ബി.എയും മലയാളത്തിൽ എം.എയും ബിരുദങ്ങൾ.
സർവകലാശാലാതലത്തിലും അഖിലകേരള തല
ത്തിലും ചെറുകഥാ മത്സരത്തിൽ സമ്മാനങ്ങൾ
നേടിയിട്ടുണ്ട്. ഇപ്പോൾ തലശ്ശേരി രേഖകൾ
വിശദമായി പഠിക്കുന്നു.
താൾ:34A11415.pdf/4
ഈ താളിൽ തെറ്റുതിരുത്തൽ വായന നടന്നിരിക്കുന്നു
