താൾ:34A11415.pdf/225

വിക്കിഗ്രന്ഥശാല സംരംഭത്തിൽ നിന്ന്
ഈ താളിൽ തെറ്റുതിരുത്തൽ വായന നടന്നിരിക്കുന്നു

പഴശ്ശി രേഖകൾ 159

എന്നാൽ പരസ്സ്യത്തിൽ എഴുതിവെച്ചപ്രകാരം അറുവത ദിവസം
കഴിയെണ്ടതിന ഒമ്പതദിവസമെ ഉള്ളുവെന്നല്ലൊ ഈ മാസം 3-നു നിങ്ങൾക്ക
എഴുതി അയച്ചിരിക്കുന്നു. ആയതിന്റെ ശെഷം ഒന്ന എഴുതി കണായ്ക
കൊണ്ടും മെൽ എഴുതിയ അറുവത ദിവസം കഴിപ്പാൻ എനി നാലദിവസമെ
ഉള്ളു എന്ന വന്നിരിക്കകൊണ്ടും വെഗം ഇണ്ടൊട്ടവരണ്ടതിന എനിയും തന്നെ
നിങ്ങൾക്ക എഴുതി അയച്ചിരിക്കുന്നു. മുമ്പിൽ എഴുതിയ പ്രകാരം
നാലദിവസത്തിൽ അകത്ത ബഹുമാനപ്പെട്ട കുംമ്പഞ്ഞി ആശ്രയത്തിൽ
വന്നാൽ നിങ്ങൾ ഇരിവരെയും വഴിപൊലെ രെക്ഷിക്കയും ചെയ‌്യും എന്നു
നിങ്ങളെ അന്തക്കരണത്തിൽ സംശയം വെക്കാതെ വരെണ്ടതിന ഇ കത്ത
വരുന്നവനൊട കൂട നമ്മുടെ കഴിയൊപ്പും ഇട്ട കൊടുത്തയക്കയും ചെയ്തു.
എന്നാൽ കൊല്ലം 979 ആമത വൃശ്ചികമാസം 7-നു ക്ക ഇങ്കിരിസ്സ കൊല്ലം
1803 ആമത നവെമ്പ്രമാസം 22-നു എഴുതിയത —

247 A

മഹാരാജശ്രി മലയാളത്തിലെക്കും കർണ്ണാടകത്തിലെക്കും ഉള്ള
പട്ടാളക്കാരെൻമാരെ മെൽ സെനാപതി കർണ്ണെൽ മന്ത്രസൊർ സായ്പു
അവർകൾ കൊട്ടെത്ത കുടിയാന്മാര എല്ലാവർക്കും എഴുതിയ
പരസ്സ്യമാക്കുന്നത. എന്നാൽ കൊട്ടെത്ത നാട്ടിൽ ഉള്ള കുടിയാന്മാരുടെ
ദുർബ്ബുദ്ധി ആയിട്ടും ദുമ്മാശ്ശമായിട്ടും ഉള്ള നടപ്പിനും അവരമെൽ വരുത്തുന്ന
നാശം എനിയും അനുഭവിക്കാതെയിരിക്കണം എന്നു മഹാരാജശ്രി കർണ്ണെൽ
മന്ത്രസൊർസ്സയ്പു അവർകൾക്ക താല്പര്യമായിരിക്കകൊണ്ട
ബഹുമാനപ്പെട്ട ക്കുംമ്പഞ്ഞിസർക്കാരുടെ കല്പന വഴിപൊലെ കെട്ട
നടക്കമെന്നും ചെയ്ത കഴിഞ്ഞ കുറ്റത്തിന പൊറുതിവെണമെന്നും മനസ്സ
ഉള്ളവര കൊട്ടെത്ത പാളിയത്തിലെ മെൽ സെനാപതി സായ്പു അവർകളെ
അടുക്ക എങ്കിലും നാട്ടിലെ അധികാരി ആയിരിക്കുന്ന സായ്പു അവർകളെ
അടുക്കെ എങ്കിലും വരുവാൻ സങ്ങതി കൊടുക്കെണ്ടതിന ഈ ദിവസം
വൃശ്ചികമാസം 8-നു മുതൽ 14-നു യിൽ അകത്ത ശത്രുത്വമായിട്ടും
അനസ്ഥമായിട്ടൊരു അവസ്ഥ നാട്ടിൽ കട്ടി നടക്കയും അരുത എന്ന
ബഹുമാനപ്പെട്ട കുമ്പെഞ്ഞി അവർകളെ പാളിയത്തെക്ക കല്പന
കൊടുക്കയും ചെയ്തു. അതുകൊണ്ട മെൽ വെച്ച ദിക്ക രണ്ടിൽ എന്നു
മനസ്സുള്ളവര വന്ന കൊള്ളുകയും വെണം. ഈ വൃശ്നചികമാസം 14-നു
കഴിഞ്ഞതിന്റെ ശെഷം വിപരീതമായിരിക്കുന്നവരെ ഒപ്പരം കൂടുക എങ്കിലും
പാർക്കുക എങ്കിലും അവരവരെ വീട ഒഴിച്ചുപൊക എങ്കിലും ചെയ്തു
എന്ന വെച്ചാൽ ഏതുവണ്ണം നടക്കുന്നവർ ബഹുമാനപ്പെട്ട കുംമ്പഞ്ഞി
സർക്കാർക്ക വിപരിതമായിരിക്കുന്നു എന്നു വിജാരിക്കയും അതുപൊലെ
ഉള്ള ആളുകളക്കൊള്ള നടക്കുന്ന പ്രകാരം അവരക്കൊള്ള നടക്കുകയും

"https://ml.wikisource.org/w/index.php?title=താൾ:34A11415.pdf/225&oldid=201620" എന്ന താളിൽനിന്ന് ശേഖരിച്ചത്