— 42 —
ടപ്പാൽ മുതലായ അപ്പീസുകളും ഉറപ്പുള്ള കോട്ടയും ഇങ്ക്ളിഷ,
രോമ, ജൎമ്മൻമിശ്യൻ പള്ളികളും , ബങ്കളാവുകളും വലിയ സ്ക്കൂളുമുണ്ടു.
അതിനോടു സംബന്ധിച്ച പുകവണ്ടി ഒലകക്കോട്ടിലത്രെ. അവിടെ
യും അങ്ങാടിയുണ്ടു. പാലക്കാട്ടിന്റെ മുഖ്യമായ അംശങ്ങൾ: കല്പാ
ത്തി ഗ്രാമം, നൂറുണ്ണിഗ്രാമം വലിയങ്ങാടി , സുല്ത്താൻപേട്ട, കോ
ട്ട, കൊപ്പം, ശിലുവാപാളയം, മടപ്പള്ളി, ചീരക്കാട. താമൂതിരി
പാലക്കാടരാജാവിനെ പലപ്പോഴും ഉപദ്രവിക്കകൊണ്ടു അവൻ 1764
ഹൈദരാലിയെ മലയാളത്തിൽ ക്ഷണിച്ചപ്പോൾ, ഹൈദർ സന്തോ
ഷത്തോടെ വന്നു മലയാളത്തെ അടക്കിയത് ചരിത്രത്തിൽ പറയുന്നു.
പാലക്കാടതാഴ്വര പോക്ക് വരവിന്നായി മുഖ്യമായതാകകൊണ്ടു,
അവൻ പാലക്കാട്ടിൽവെച്ചു പരന്ത്രീസഅപ്പീസൎമ്മാരെകൊണ്ടു ഒരു
ഉറപ്പുള്ള കോട്ടയെ കെട്ടിച്ചു വിശിഷ്ടന്മാരായ പട്ടാളക്കാരെ പാൎപ്പി
ച്ചു. എല്ലാ ഭാഗങ്ങളിലേക്ക ഇപ്പോഴും ഉപകാരമുള്ള നിരത്തുകളെ തീ
ൎക്കയും ചെയ്തു. ഇങ്ക്ളിഷ്കാർ രണ്ടു പ്രാവശ്യം ആ കോട്ടയെ ബലാ
ല്ക്കാരേണ പിടിച്ചശേഷം, അവൎക്ക 1792-ാമതിൽ സമാധാനമായ
പ്പോൾ, മലയാളത്തോടു കൂടി അത് കേവലം കൈവശമായി വന്നു.
ഇപ്പോൾ, അതിനെ ഉപകരിക്കുന്നില്ല.
കൊല്ലങ്കോട, ഇവിടെ അങ്ങാടിയും പട്ടന്മാരുടെ ഗ്രാമവും കോ
വിലകവും മജിസ്രേട്ടകച്ചേരിയും സ്ക്കൂളുമുണ്ടു.
പാലത്തുള്ളി, ഇവിടെ ഒരു വലിയ അങ്ങാടിയും ചന്തയും
ഉണ്ടു. അതിൽ കാള പ്രധാനം.
ആലത്തൂർ, ഇവിടെ ചുറ്റിൽ പല ഗ്രാമങ്ങളും, ചന്തയും മുൻ
സീഫകോടതിയും മജിസ്രേട്ടകച്ചേരിയും സ്ക്കൂളമുണ്ടു. മുമ്പെ തെമ്മല
പ്പുറം താലൂക്കകച്ചേരിയും ഉണ്ടായിരുന്നു.
വടക്കഞ്ചേരി, ഇവിടെ ഒരു അങ്ങാടിയും ചന്തയും പട്ടന്മാരു
ടെ ഗ്രാമവും രോമക്കാരുടെ പള്ളിയും ഉണ്ടു.
കൊച്ചിബന്തർ
കൊച്ചി, വ. അ. 9° 58′ കി. നീ . 76° 18′ എന്നത് മലയാള
ത്തിലെ തുറമുഖങ്ങളിൽ മുഖ്യമായത്. അവിടത്തെ പുഴക്ക ആഴമുണ്ടാ
കയാൽ, കപ്പലുകൾക്ക പട്ടണത്തിന്റെ സമീപം വരാം; കപ്പല്പണി
സ്ഥലമാകുന്ന ഗൊതികളും ഉണ്ടു. ലന്തരുടെ കാലത്തിൽ കൊച്ചി ഹി
ന്തുരാജ്യത്തിലെ അവരുടെ പ്രധാന പട്ടണമായിരുന്നു എങ്കിലും, ക
ഴിഞ്ഞ നൂറ്റാണ്ടിലും ഈ നൂറ്റാണ്ടിന്റെ ആരംഭത്തിലും അതിന്റെ
മഹത്വം കുറഞ്ഞുപോയശേഷം ഇപ്പോൾ തിരികെ വൎദ്ധിപ്പാൻ തുട
ങ്ങിയിരിക്കുന്നു. അവിടെ വിലാത്തിക്കാൎക്കും , ചൎച്ചമിശ്യൻസഭക്കും
രോമക്കാൎക്കും, യഹൂദന്മാൎക്കും, മാപ്പിള്ളമാൎക്കും അനേകം പള്ളികളും
കൊങ്കണികളുടെയും മറ്റും പല ക്ഷേത്രങ്ങളും സ്ക്കൂളുകളും ഹാസ്പത്രിക
ളും കച്ചേരികളും എത്രയും വലിയ അങ്ങാടികളും പാണ്ടികശാലകളും
