താൾ:33A11414.pdf/107

വിക്കിഗ്രന്ഥശാല സംരംഭത്തിൽ നിന്ന്
ഈ താളിൽ തെറ്റുതിരുത്തൽ വായന നടന്നിരിക്കുന്നു

— 35 —

മുഖ്യമായ സ്ഥലങ്ങൾ

ചോമ്പാൽ മയ്യഴിയിൽനിന്നു മൂന്നു കല്ല തെക്ക, അവിടെ ജ
ൎമ്മൻ മിശ്യൻപള്ളിയും ബങ്കളാവും സഭയും ഉണ്ടു.

വടകര, വ. അ. 11° 361 കി. നീ . 75° 38′ ഇത് ഒരു ചെ
റിയ പട്ടണവും തുറമുഖവും കച്ചവടസ്ഥലവും തന്നെ. ഇവിടെ താലൂ
ക്കകച്ചേരിയും മുൻസീഫ് കോടതിയും സ്ക്കൂളും മുസാവരിബങ്കളാവും
പാഴായി കിടക്കുന്ന ഒരു കോട്ടയും ഉണ്ടു. അതിനെ കടത്തനാടു അമ്മ
ത്തമ്പുരാട്ടി കെട്ടിച്ചു എന്നു കേൾക്കുന്നു. അവിടത്തെ വലിയ അങ്ങാ
ടിയിൽ കൊപ്പര, കുരുമുളക, കപ്പി, വെറ്റില ഇത്യാദികളെക്കൊ
ണ്ടുള്ള കച്ചവടം പെരുത്ത നടക്കുന്നു. ഇവിടെനിന്നു കുറ്റിയാടിക്കും
കോഴിക്കോട്ടേക്കും പോകുന്ന തോണികൾ താമസിക്കുന്നു.

കുറ്റിപ്പുറം വടകരയിൽനിന്നു മാനന്തവാടിക്കു പോകുന്ന നിര
ത്തിൽ കൂടി 8 മയിത്സ ദൂരം പോയാൽ കടത്തുനാട രാജാവ് വസി
ക്കുന്ന കുറ്റിപ്പുറത്ത എത്തും. അതിന്റെ കുറെ തെക്കപടിഞ്ഞാറുള്ള
പുറമെരിയിലും കോവിലകം ഉണ്ടു.

നാദാപുരം എന്നത് കുറ്റിപ്പുറത്തിന്റെ 2 മയിത്സ വടക്കപടി
ഞ്ഞാറ, അവിടെ ഒരു വലിയ അങ്ങാടിയും മാപ്പിള്ളമാരുടെ പള്ളി
യുമുണ്ടു. അങ്ങാടിയിൽ മുളകകച്ചവടം മുഖ്യം.

കുറ്റിയാടി വാണാസുരന്റെ അടിവാരത്തിലായി അതിന്റെ
വടക്കിലെ ചുരത്തിന്നു പേർ കൊടുക്കുന്ന കാട്ടുപ്രദേശം അത്രെ. അ
വിടെ നല്ല മരങ്ങളും തേനും മെഴുകും കിട്ടും. ഒരു മുസ്സാവരി, ബങ്കളാ
വും ഉണ്ടു.

കീഴൂർ, ഇവിടെ ഒരു ക്ഷേത്രവും കൊല്ലം തോറും ഒരു വലിയ
ഉത്സവവും ചന്തയും ഉണ്ടു. കാളകളും പശുക്കളും ചന്തയിൽ പ്രധാനം.

പയ്യോളി, ഇവിടെ അങ്ങാടിയും ചന്തയും സ്ക്കൂളും സമീപം
കൈത്തോട്ടിന്റെ ചീപ്പും ഉണ്ടു.

നടുവന്നൂർ, എന്നതിൽ ഒരു ചെറിയ അങ്ങാടിയും ശനിയാ
ഴ്ചതോറും ചന്തയും ഉണ്ടു. മുമ്പെ അവിടെ കുറുമ്പ്രനാടതാലൂക്കകച്ചേരി
ഉണ്ടായിരുന്നു.

താമരശ്ശേരി, ഇവിടെ ഒരു ചെറിയ അങ്ങാടിയും ബങ്കളാവും
ഉണ്ടു. അവിടത്തെ ചുരം വൈത്തിരിയിലേക്ക പോകുന്നു. അതിന്നു
താമരശ്ശേരിച്ചുരം എന്നും ലക്കടിച്ചുരം എന്നും പേർ.

കോവില്ക്കണ്ടി, വ. അ. 11° 26' കി. നീ. 75°45' ഇവിടെ
ഒരു ചെറിയ തുറമുഖവും മജ്ജിസ്ട്രേട്ട് കച്ചേരിയും മുൻസീഫകോട
തിയും അങ്ങാടിയും സ്ക്കൂളും ടപ്പാൽ അപ്പീസ്സുമുണ്ടു. അതിന്റെ കുറെ
വടക്ക് ഒരു വലിയ കുളവും മഠവും വിഷാരിക്കൽ എന്ന ക്ഷേത്രവും,
ചെറിയ ജർമ്മൻ മിശ്യൻ സഭയും കാണും.

"https://ml.wikisource.org/w/index.php?title=താൾ:33A11414.pdf/107&oldid=199330" എന്ന താളിൽനിന്ന് ശേഖരിച്ചത്