25
ആഫ്രിക്കൻ നാടോടിക്കഥകൾ
വി എം രാജമോഹൻ
നിറയ്ക്കാം. അയാൾ അത് ഭംഗിയായി നിർവഹിച്ചു. അപ്പോൾ നാലാമത്തെ സഹോദരൻ പറഞ്ഞു, “ഞാനദ്ദേഹത്തെ ശ്വസോച്ഛ്വാസം ചെയ്യിക്കാം” നിമിഷങ്ങൾക്കകം അച്ഛനെ അയാൾ ശ്വാസോച്ഛ്വാസം ചെയ്യിക്കാനാരംഭിച്ചു. അഞ്ചാമൻ ഒഗാലുസയെ എഴുന്നേറ്റു നിൽക്കാൻ പ്രാപ്തനാക്കി. എഴുന്നേറ്റു നിന്ന് കണ്ണുകൾ തുറന്ന് മക്കളെക്കണ്ട് അച്ഛൻ അവരോട് ചോദിച്ചു, “എന്റെ തോക്കെവിടെ?” മക്കൾ അയാൾക്ക് പഴയ തോക്ക്
നൽകി. എന്നിട്ടവരൊരുമിച്ച് വീട്ടിലേക്ക് മടങ്ങി.
വീട്ടിൽ വന്ന ഒഗാലുസ മുടിവെട്ടിച്ചു. കുളിച്ചു, എന്നിട്ട് ഭക്ഷണം കഴിച്ചു. കുറെ ദിവസം വിശ്രമിച്ചു. കുടുംബത്തിൽ സന്തോഷം കളിയാടി. അയൽവാസികളും ഒഗാലസയുടെ തിരിച്ചുവരവിൽ ആഹ്ലാദിച്ചു.
സന്തോഷം പങ്കുവയ്ക്കാൻ അയൽക്കാർക്കെല്ലാം ഒരു സദ്യ നൽകാൻ ഒഗാലുസ തീരുമാനിച്ചു. അതിനായി ഒരു പശുവിനെ കശാപ്പു ചെയ്തു. പശുവിന്റെ വാലെടുത്ത് അയാളൊരു ചാട്ടവാറുണ്ടാക്കി. അതിൽ നല്ല തിളക്കമുള്ള മുത്തുകൾ പിടിപ്പിച്ചു. വളരെ മനോഹരമായ ഒരു ചാട്ടവാറായിരുന്നു അത്.
സദ്യ ആരംഭിച്ചു. അയൽപക്കക്കാരെല്ലാം തങ്ങളുടെ ഏറ്റവും നല്ല വസ്ത്രങ്ങളണിഞ്ഞ് സദ്യയിൽ പങ്കുകൊണ്ടു. സദ്യക്കൊപ്പം പാട്ടും കൂത്തുമെല്ലാമുണ്ടായിരുന്നു. എല്ലാവരും ആനന്ദനൃത്തമാടി. പിന്നീട് ഒഗാലുസ തന്റെ പുതിയ ചാട്ട അതിഥികളെ കാട്ടി. എല്ലാവരും ഒരേ സ്വരത്തിൽ പറഞ്ഞു. “ഇത് സുന്ദരമായൊരു ചാട്ട ഞങ്ങളിതുവരെ കണ്ടിട്ടേയില്ല."
ചാട്ടയുടെ ഭംഗി കണ്ട് കൊതിച്ച് അയാളോടുചോദിച്ചു. “ഈ ചാട്ട എനിക്ക് തരുമോ?” പക്ഷേ അയാളത് അവർക്കാർക്കും നൽകിയില്ല. പകരം ഇങ്ങനെ പറയാൻ തുടങ്ങി. “വർഷങ്ങൾക്കു മുമ്പ് ഞാൻ കാട്ടിൽ വേട്ടയ്ക്കു പോയി. ഒരു കൂറ്റൻ സിംഹം എന്നെ കൊന്നു. ഒരുപാടു നാൾ ഞാൻ മരിച്ചു കിടന്നു. പിന്നീട് എന്റെ മക്കൾ എന്റെ അസ്ഥിക്കഷണങ്ങൾ അന്വേഷിച്ചുകണ്ടെത്തി. എനിക്ക് വീണ്ടും ജീവൻ നൽകി. ഇപ്പോൾ ഞാൻ നിങ്ങളോടൊപ്പമുണ്ട്. ഇതിന് ഞാനെന്റെ മക്കളോട് നന്ദിയുള്ളവനായിരിക്കും.
ഇങ്ങോട്ടു നോക്കൂ പ്രിയപ്പെട്ട ചങ്ങാതിമാരേ, എന്റെ കൈയിൽ ഒരേയൊരു ചാട്ടവാറേയുള്ളൂ. നിങ്ങളെല്ലാം അതേറ്റവും സുന്ദരമാണെന്നു പറയുന്നു. അതിനാൽ പരലോകത്തുനിന്ന് ജീവിതത്തിലേക്ക് എനിക്ക് തിരിച്ചു വരാൻ ഏറ്റവും കൂടുതൽ സഹായം ചെയ്ത മകനാരോ അയാൾക്ക് ഞാനിതു നൽകും." എല്ലാവരും ചിന്തിച്ചു, “ആരാവും ഏറ്റവും കൂടുതൽ സഹായിച്ചത്?”
അത് പറയാനത്ര എളുപ്പമായിരുന്നില്ല. ഒടുവിൽ ഒാലുസ് തന്നെ പറഞ്ഞു. “ഞാനീ ചാട്ട കുഞ്ഞുപിലിക്ക് നൽകുന്നു. അവന്റെ ആദ്യവാക്കുകൾ “എന്റെ അച്ഛനെവിടെ?' എന്നതായിരുന്നു. എന്നെ വനത്തിൽ
