താൾ:സഞ്‌ജയന്റെ കവിതകൾ.pdf/120

വിക്കിഗ്രന്ഥശാല സംരംഭത്തിൽ നിന്ന്
Jump to navigation Jump to search
ഈ താളിൽ തെറ്റുതിരുത്തൽ വായന ഉണ്ടായിട്ടില്ല


അവർ പറയാത്തത്

<poem> പറഞ്ഞതെന്തവർ? പരസ്പരം കണ്ടു പിരിഞ്ഞിടും മുമ്പായ് പറഞ്ഞതെന്തവർ? ഹിമാലയം തൊട്ടു കുമാരിയോളവും, ചമാൻപുരി മുതൽ കൊഹീമയോളവും, ഒരേയൊരു ചോദ്യമുയർന്നുകേൾക്കുന്നു; പിരിഞ്ഞിടും മുമ്പായ് പറഞ്ഞതെന്തവർ?

പ്രഥിതലിൻലിത്ഗോപ്രഭുപ്രവീരനും പ്രശസ്തനാമാവാം മഹാത്മജിതാനും പരസ്പരച്ചേർച്ച തഴച്ച വാഗ്ത്ഡരി ചൊരിഞ്ഞു ദല്ലിയെ പ്രയാഗയാക്കിപോൾ! പറഞ്ഞതെന്തവർ? പറഞ്ഞതെന്തവർ?... പറയുകില്ലാരുമറികയില്ലാരും!

സുരാപഗോർമ്മിയോടിതല്ലി ചോദിപ്പൂ ചിരിച്ചു കാളിന്ദീസുലോലകല്ലോലം? മഹോദധിപെരുംപറയടിയിലീ മഹിതമാം ചോദ്യം ധ്വനിപ്പതില്ലല്ലീ? അറേബിയൻ കടലതിൻ പൊരുളെന്തെ- ന്നറിഞ്ഞിടാതല്ലീ കിടന്നലറുന്നു? അസോസിയെറ്റഡ് പ്രസ്-പ്രതിനിധിയതോ അറിയുവാനല്ലീ പരക്കം പായുന്നൂ? 'പറഞ്ഞതെന്തവർ? പറഞ്ഞതെന്തവർ?' പറയുകില്ല ഞാനറിയുമെങ്കിലും! ഒരു കാര്യം പക്ഷെ പറഞ്ഞിടാമിപ്പോൾ പരസ്യമായി ഞാൻ ഭയലവമെന്ന്യേ; പരസ്പരമവർ പറഞ്ഞ കാരിയം പരുത്തിനൂലിന്റെ കൊടുമ്പിരിയല്ലാ!

(ഹാസ്യാഞ്ജലി, പുറം 43, സഞ്ജയൻ, പുസ്തകം 2, ലക്കം 7, 1937 ആഗസ്റ്റ്‌ 14 പുറം 225)



























Emblem-important-red.svg
ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി നിർമ്മിച്ചതാണ്.
ഇതിലെ ഉള്ളടക്കത്തിന്റെ സ്കോർ ലഭിക്കുന്നതു് ഈ താൾ ആദ്യം ടൈപ്പു ചെയ്തുതുടങ്ങിയ Mjayas എന്ന ഉപയോക്താവിനായിരിക്കും.
ഈ താളിന്റെ ഗുണനിലവാരം:
(വിശദവിവരങ്ങൾക്കു് ഈ ലേഖനം കാണുക)
സങ്കീർണ്ണത തനിമലയാളം അക്ഷരങ്ങളുടെ എണ്ണം ടൈപ്പിങ്ങ് പുരോഗതി ഫോർമാറ്റിങ്ങ് മികവ് അക്ഷരശുദ്ധി
(സ്കോർ ഇതുവരെ ചേർത്തിട്ടില്ല) (സ്കോർ ഇതുവരെ ചേർത്തിട്ടില്ല) (സ്കോർ ഇതുവരെ ചേർത്തിട്ടില്ല) (സ്കോർ ഇതുവരെ ചേർത്തിട്ടില്ല) (സ്കോർ ഇതുവരെ ചേർത്തിട്ടില്ല) (സ്കോർ ഇതുവരെ ചേർത്തിട്ടില്ല)