ഈ താളിൽ തെറ്റുതിരുത്തൽ വായന നടന്നിരിക്കുന്നു
ഒന്നാമങ്കം ൪ ൭
നേരൊക്കെപ്പറയാം നിരായുധനായ്
നില്ക്കുന്നതല്ലാതെ വ-
മ്പോരിന്നേൽക്കയുമായുധം തൊടുകയും
പൊയ്യല്ല ചെയ്യില്ല ഞാൻ. 29
എന്നാലിങ്ങിനെയാണു വസ്തുത.
നിങ്ങൾക്കുളവായിടുമൊ-
രിംഗിതമുടനേ കഥിച്ചുകൊണ്ടാലും
അങ്ങിനെ ചെയ് വാനൊരു തട-
വിങ്ങില്ലെന്തിന്നു താമസം പാഴിൽ 30
അർജ്ജുനൻ-
മതി മതി ഭഗവാൻ മാത്രം
കൊതി പുനരിന്നില്ലെനിയ്ക്കു സൈന്യത്തിൽ
ഹിതമിതു മാമകമിപ്പോ-
ളതിന്നു ദയാലോ! മനസ്സു വെച്ചാലും 31
ദുര്യോ-(വിചാരം) നൂറു ഗുണമുണ്ടെങ്കിലും ആയുധമെടുക്കാത്താളെ യുദ്ധത്തിനു കൊള്ളില്ല. എനിയ്ക്കു പടജ്ജനം മതി.
(സ്പഷ്ടം)
സ്വർല്ലോകാധിപനന്ദനൻ തരമറി-
ഞ്ഞാദ്യം ഭവാനെ ക്ഷണി-
ച്ചല്ലോ കാര്യമതെന്തിനിന്നു പഴുതേ
ചൊല്ലുന്നു വല്ലെങ്കിലും
മെല്ലെക്കൊണ്ടുഗമിച്ചിടാമിഹ ഭവ-
ത്സൈന്യങ്ങളെസ്സാദരം