ഈ താളിൽ തെറ്റുതിരുത്തൽ വായന നടന്നിരിക്കുന്നു
൪൦ ഭഗവദ്ദൂതു്
നടി - ശരിതന്നെ. നമ്മൾ ഇങ്ങിനെ ഓരോന്നിനെപ്പറ്റി അധികം വിസ്തരിച്ചു തുടങ്ങിയാൽ അരങ്ങു മുഷിയും. അതു പോരാത്തതല്ലേ?
സൂത്ര - എന്നാൽ ഋതുവിനെ വർണ്ണിച്ചു പാടൂ.
നടി - ഏതു് ഋതുവിനെയാണു് വർണ്ണിക്കേണ്ടതു്?
സൂത്ര- എന്താ സംശയിപ്പാൻ? ഈ വസന്തഋതുവിനെത്തന്നെ.
നടി -
മന്ദം മാരുതനും പുറത്തഴകെഴും ദോഷേശനും സന്നിധൗ
വന്നീടും മമ നൂനമെന്നിഹ രസിക്കുന്നൂ വസന്തം പരം
സുത്ര - (നോക്കീട്ടു്)
ധന്യത്വം കലരും ധനഞ്ജയനുമാദ്ദുര്യോധനൻ താനുമീ-
യെന്നെക്കാണ്മതിനെത്തുമെന്നു ഭഗവാനോർത്തിങ്ങു പാർക്കും വിധൗ 18
ഇനി നമുക്കു ജോലി നോക്കാൻ പോവുക.
(എന്നു രണ്ടാളും പോയി)
പ്രസ്താവന കഴിഞ്ഞു.
(അനന്തരം ഭഗവാൻ പ്രവേശിക്കുന്നു) ഭഗവാൻ - യുദ്ധത്തിന്നായ് വരിപ്പാൻ കുരുപതി വരുമി- ന്നത്രയല്ലോർത്തിടുമ്പോൾ- ബ്ബദ്ധാനന്ദം തദർത്ഥം മമ സഖി വിജയൻ- താനുമിന്നാഗമിക്കും