ഏഴാമങ്കം ൧൩൫
യദൂനാം കുലേ കൃഷ്ണനായിപ്പിറന്നി-
ട്ടിദാനീം കളിക്കുന്നു നീ ദീനബന്ധോ! 21
ഇനിക്കല്ക്കിയായിജ്ജനിക്കുന്നതിന്നായ് നിനച്ചാദരം പൂണ്ടിരിക്കുന്നതും നീ ജനങ്ങൾക്കു ജന്മം സുഖം നാശമെല്ലാം തനിച്ചോർത്തു നൽകുന്നതും നീ നമസ്തേ 22
അയ്യോ! ഭവാനുടയ ഘോരമതാം സ്വരൂപ- മിയ്യുള്ളവർക്കുമതിഭീതി വരുത്തിടുന്നൂ വയ്യേതവർക്കുമിതു കണ്ടു സഹിച്ചുകൊൾവാൻ പൊയ്യല്ലൊതുക്കുക വിഭോ! തവ വിശ്വരൂപം. 23
ഇങ്ങിനെ ഭഗവാനെ സ്തുതിച്ചു തുടങ്ങി. ആ സമയത്തു്,
നീലക്കാർകൂന്തലോടും നിടിലമതിൽ വിള- ങ്ങുന്ന നൽഗോപിയോടും ബാലാദിത്യപ്രകാശത്തൊടുമതിമൃദുവാം പുഞ്ചിരിക്കൊഞ്ചലോടും ചേലേറും ചേലയോടും കരമതിൽ വിലസും ശംഖചക്രാദിയോടും കോലും കൃഷ്ണസ്വരൂപം കുരുസഭയിലല- ങ്കാരമായിബ്ഭവിച്ചു. 21 ധൃഷ്ട- ആവൂ! ഇപ്പോഴേ ഒരു മട്ടായുള്ളു. സാത്യ- അപ്പോഴേ ആ സഭയിലുള്ള ആളുകൾക്കൊക്കെ ഒരാശ്വാസമായുള്ളു. പിന്നെ ഭഗവാൻ ആ സഭയിലുള്ള മഹാരാജാക്കന്മാരോടൊക്കെയും യാത്ര അരുളി
