ഈ താളിന്റെ സാധുത തെളിയിക്കപ്പെട്ടതാണ്
ഒന്നു്
രാത്രിയുടെ രണ്ടാംയാമവും അവസാനിക്കാറായിട്ടുണ്ടു്. പടിഞ്ഞാറെ ആകാശത്തിൽ ചന്ദ്രക്കല അനന്തമായി കത്തിച്ചുവെച്ച ശരൽറാന്തൽ പോലെ പ്രകാശിക്കുകയാണു്. ലോകം പരിപൂൎണ്ണനിശബ്ദതയിൽ മുഴുകിയിരിക്കുന്നു.
ഞാൻ നൂറ്റാണ്ടുകളുടെ പഴക്കം തോന്നിക്കുന്ന ഈ പ്ലാവിന്റെ കീഴിൽ എത്രനേരമുണ്ടുനില്‌ക്കുന്നു. ഉല്‌കണ്ഠാകുലമായ നിമിഷങ്ങൾ. എന്റെ അടുത്തു നിശബ്ദതയിൽ ആണ്ടിരിക്കുന്ന ഈ ബാഗ് പൊട്ടിച്ചിരിക്കുമോ എന്നെനിക്കു തോന്നിപ്പോകുന്നു.
ഒരു പറമ്പു്. അതിനു് സ്വല്പം പടിഞ്ഞാറുമാറിക്കാണുന്ന വീട്ടിൽ കല്യാണശ്രമങ്ങൾ നടക്കുകയാണു്. പ്രഭാപൂരം പരത്തുന്ന മൂന്നുനാലു ആലക്തികദീപങ്ങൾ ആ പരിസരത്തെ ആകെ പ്രശോഭിതമാക്കിയിരിക്കുന്നു.
“ചെമ്പെവിടെ?” ഒരാൾ ചോദിച്ചു.
“ചെമ്പിൽ വെള്ളമാണു്.”
ആരോ മറുപടി പറഞ്ഞു.
