ഈ താളിന്റെ സാധുത തെളിയിക്കപ്പെട്ടതാണ്
പതിനാലു്
“പത്രാധിപരോടു സംസാരിക്കുക" ഏതാനും പേജുകൾ മറിച്ചപ്പോൾ അവസാനഭാഗത്തായി ഞാനയച്ചിരുന്ന ചോദ്യവും ഉത്തരവും കണ്ടു.
ചോദ്യം:—— പ്രസിദ്ധ സിനിമാനടിയായ മിസു് ലിസാ എത്ര പടങ്ങളിലഭിനയിച്ചിട്ടുണ്ടു്? ഏതെല്ലാം? മേൽവിലാസം?
ഉത്തരം:—— മൂന്നു പടങ്ങളിൽ, ജയാപിച്ചേഴ്സിന്റെ പുങ്കയിൽ, മോനിപ്രൊഡകഷന്റെ അടഞ്ഞ കോവിൽ, മോഡേൺ തിയേറ്റേഴ്സിന്റെ ഓണക്കിളി. പക്ഷെ ചില സാങ്കേതിക തടസ്സങ്ങളാൽ ഓണക്കിളി ഷൂട്ടിംഗ് തീർന്നെങ്കിലും പ്രദർശനം നടത്താതിരിക്കുകയാണ്.
വിലാസം: മിസ് ലിസാ ഫിലിംസ്റ്റാർ, കൊച്ചിൻ——1
എനിക്കവാച്യമായ ആനന്ദം തോന്നി. എങ്ങിനെയും ലിസായെ കണ്ടുപിടിക്കണമെന്നെനിക്കു വാശിയായി. ഞാനുടനെ മാനേജരോടു് എറണാകുളത്തിനു പോകുന്നു എന്നുള്ള വ്യാജേന അനുമതിയും വാങ്ങി ബസു്സ്റ്റാൻഡിലെത്തി. ഒരു സാധാരണക്കാരനെപ്പോലെ ചെന്നാൽ കാണുവാൻ
