ഈ താളിന്റെ സാധുത തെളിയിക്കപ്പെട്ടതാണ്
— 132 —
ക്കുകൾപോലുമണഞ്ഞിരിക്കുന്നു. കരന്റിന്റെ തകരാറാണു്. അടുത്ത മുറിയിലാരോ പറയുന്നതു കേട്ടു.
ആ രാത്രി ആദ്യന്തം സ്വപ്നങ്ങൾ നിറഞ്ഞതായിരുന്നു. ജീവിക്കുവാൻ പ്രേരണ നൽകുന്ന പ്രതീക്ഷകളുടെ നീരുറവനെയ്തെടുത്ത മധുരസ്വപ്നങ്ങൾ!
ഇതിനകം നാല് പ്രാവശ്യം റിഹേഴ്സൽ നടന്നു. എല്ലാവരും കഴിവിന്റെ പേരിലൊരു ധാരണയിലെത്തി. ഏതായാലും നായികയില്ലാതെ റിഹേഴ്സൽ നടത്തേണ്ട നിൎഭാഗ്യാവസ്ഥ വന്നു കൂടിയതിൽ ഞാൻ സഹതപിച്ചു. എങ്കിലും എന്റെ ജീവിതനായികയുമില്ലല്ലോ?.......
ശനിയാഴ്ച രാത്രിയിൽ മാത്രമേ റിഹേഴ്സൽ ഉണ്ടായിരിക്കുകയുള്ളു എന്നു മാനേജർ പറഞ്ഞതിനുസരിച്ചു് ഞാൻ പുറത്തേക്കിറങ്ങി.
അടുത്തുള്ള ബീഡിക്കടയിൽ പുതിയ കുറെ മാസികകൾ സ്ഥാനം പിടിച്ചിരിക്കുന്നതു കണ്ടു. എന്റെ ഉള്ളിലൊരാന്തലുണ്ടായി. സിനിമാ മാസിക! ഞാനൊരെണ്ണം നാലണകൊടുത്തു വാങ്ങി. കണ്ണു ചിമ്മാതെ പേജുകൾ മറിച്ചുതുടങ്ങി....
